މޯލްޑިވްސް ނެޝަނަލް ޑިފެންސް ފޯސްގެ ސާރވިސް ކޯރ އިން ނޭޝަނަލް އެމެޖެންސީ ސެންޓަރަށް ބޭނުންވާ އެމެޖެންސީ ވެންޓިލޭޓަރެއް އުފައްދައިފިއެވެ.
ޗީފް އޮފް ޑިފެންސް ފޯސް މޭޖަރ ޖެނެރަލް ޢަބްދުﷲ ޝަމާލް މިރޭ ކުރެއްވި ޓުވީޓެއްގައި ވިދާޅުވީ މިއީ ކޯވިޑާ ދެކޮޅަށް ކުރަމުންދާ މަސައްކަތުގައި އެމް.އެން.ޑީ.އެފުން އެޅި ފާހަގަކޮށްލެވޭނޭ ތާރީޚީ ފިޔަވަޅެއް ކަމުގައެވެ. މޭޖަރ ޖެނެރަލް ޝާމާލް ވިދާޅުވީ އެމް.އެން.ޑީ.އެފްގެ ޓެކްނިކަލް ޓީމަކުން އުފެއްދި ވެންޓިލޭޓަރުގެ ފުރަތަމަނަމޫނާ (ޕްރޮޓޯޓައިޕް) ދައްކާލުން މިއަދު އޮތް ކަމަށާއި އެ ވެންޓިލޭޓަރު ފުރިހަމައަށް މަސައްކަތް ކުރާ ކަމަށެވެ.
A landmark occasion for MNDF in the fight against #COVID19: an MNDF technical team created and demonstrated the first prototype of a fully functional emergency ventilator today.
In Sha Allah, we shall soon prevail over this pandemic. pic.twitter.com/C0lRGx91Hr
— Chief of Defence Force MG.Abdulla Shamaal (@CDFofMNDF) May 4, 2020
މިނިސްޓަރ މާރިޔާ ވެސް ވަނީ އެމް.އެން.ޑީ.އެފުން އުފެއްދި ވެންޓިލޭޓަރު މަސައްކަތް ކުރާ ކަމަށް ވިދާޅުވެ ޓުވީޓުކުރައްވާފައެވެ. އެކަމާ އުފާފުޅުކުރައްވާ ކަމަށް ވިދާޅުވެ މިނިސްޓަރ ވިދާޅުވީ ދިވެހީން އުފެއްދި މެޝިނެއް މީގެ ކުރިން އެކަމަނާއަށް ފެނިވަޑައިގެންނެވީ މައްޗަންގޯޅީ ޖަންކުޝަންގައި ހަނދަށް ފޮނުވަން އަވަށްޓެރިން ހެދި ރޮކެޓު ކަމަށެވެ. އަދި ރޮކެޓު އުދުއްސާނެ ދުވަހެއްގެ އިންތިޒާރުގައި ހުންނެވި ކަމަށް ވިދާޅުވެ ސަމާސާ ކުރެއްވިއެވެ.
MNDF Service Corps ge Signal in ufahdhaafaivaa emergency ventilator dhahkaalumah miadhu haveeru BK gai beyvvi rasmiyyaathuge therein. pic.twitter.com/WThv9mfBd4
— Maldives National Defence Force (@MNDF_Official) May 4, 2020
އެމް.އެން.ޑީ.އެފުން އުފެއްދި ވެންޓިލޭޓަރު ދައްކާލުމުގެ ރަސްމިއްޔާތު އޮތީ މިއަދު ހަވީރުއެވެ.
ކޯވިޑާ ދެކޮޅަށް ރާއްޖެއިން ކުރާ މަސައްކަތުގެ އިސް ސަފުގައި ގައުމީ ދިފާއީ ބާރުން ގެންދަނީ ހަރަކާތްތެރިވަމުންނެވެ. އެގޮތުން ބަލިޖެހޭ މީހުން އެއްތަނުން އަނެއް ތަނަށް ގެންދިއުމުން ފެށީގެން ކާބޯތަކެތި ޑެލިވަރީގައި ވެސް ސިފައިން ހަރަކާތްތެރިވެއެވެ. މާލޭގައި ކޯވިޑް ފެތުރެންފެށި ފަހުން ސިފައިންގެ ތެރެއިން ވެސް ބަޔަކު ކޯވިޑަށް ޕޮޒިޓިވް ވެފައިވެއެވެ. ކޯވިޑް ޖެހުނު އެމް.އެން.ޑީ.އެފްގެ މީހަކު ވަނީ ބަލިން ރަނގަޅުވެ އިއްޔެ މަސައްކަތްށް ނުކުމެފައެވެ
