ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރަޤީއަށް މަސައްކަތްކުރާ ކޮމިޓީގެ އިންތިޚާބު 2020 އަށް ވޯޓު ލުމަށް ރަޖިސްޓަރީ ކޮށްފައިވާ ފޮށީގެ ގޮތުން ވޯޓުގެ ސިއްރުކަން ގެއްލޭ މީހުންގެ އެހެންތަނެއްގައި ރަޖިސްޓްރީ ކުރުމަށް ދީފައިވާ މުއްދަތު މިއަދުގެ ނިޔަލަށް ހަމަވާނެއެވެ.
އެ ލިސްޓް އިލެކްޝަންސްކޮމިޝަނުން ހާމަކޮށް އެހެން ތަނެއްގައި ރަޖިސްޓްރީ ކުރުމުގެ ފުރުސަތު ހުޅުވާލީވެސް އިއްޔެގައެވެ. އެ ލިސްޓުގައިވާ މީހުން، ވޯޓު ފޮށި ބެހެއްޓޭނެކަން ކަށަވަރުވެފައިވާ އެހެން ތަނަކަށް ރަޖިސްޓަރީ ކުރުމަށް އިލެކްޝަނުން ދީފައިވާ މުއްދަތު ހަމަވާއިރު ރަޖިސްޓްރީ ބަދަލުކޮށްފިނަމަ އެމީހަކު ވޯޓުލާންޖެހޭނީ މިހާރު ރަޖިސްޓްރީވެފައިވާ ތަން ނުވަތަށް ރަށަކަށެވެ.
ރީރަޖިސްޓްރީ ނުވަތަ ތަން ބަދަލުކުރުމަށް ފޯމް ދޫކުރުމާއި ބަލައިގަތުމުގެ އިންތިޒާމް ހަމަޖެހިފައިވަނީ ހުރިހާ ރަށެއްގެ ރަށު ކައުންސިލް އިދާރާތަކުގައެވެ. ކުޅުދުއްފުށި ސިޓީގެ ކައުންސިލް އިދާރާ، އައްޑޫ ސިޓީ އަދި ފުވައްމުލަކު ސިޓީގެ އަވަށްތަކުގެ އޮފީސްތަކުގައި ފޯމުދޫކުރުމާއި ބަލައިގަތުން އޮންނާނެއެވެ. މާލޭ ސިޓީގައިނަމަ އިންތިޚާބާ ބެހޭ މަރުކަޒު (ބައު ޖަމާލުއްދީން) އިން ފޯމް ދޫކުރުމާއި ބަލައިގަތުން އޮންނާނެއެވެ. މިއަދު ހެނދުނު 08:30 އިން މެންދުރުފަހު 03:00 ފޯމުބަލައިގަތުމާއި ދޫކުރުން ކުރިއަށްދާނެއެވެ.
ރާއްޖެއިން ބޭރުގައިނަމަ، ފޯމު ދޫކުރުމާއި ބަލައިގަތުމުގެ އިންތިޒާމް ހަމަޖެހިފައިވަނީ ވޯޓު ފޮށި ބެހެއްޓުމަށް އިލެކްޝަންސް ކޮމިޝަނުން އިޢުލާނުކުރެވިފައިވާ ޤައުމުތަކުގައި ހުންނަ ދިވެހިރާއްޖޭގެ ކޮންސިއުލޭޓް އޮފީސްތަކުންނާއި ދިވެހިރާއްޖޭގެ ހައިކޮމިޝަންތަކުން، ކޮންމެ ދުވަހެއްގެ ހެނދުނު 10:00 އިން މެންދުރުފަހު 03:00 އަށެވެ.
