"ޑިމޮކްރަސީގައި މަގޭ ދައުރު" ގެ ތީމަށް އިލެކްޝަންސް ކޮމިޝަނުން ކުރެހުމުގެ މުބާރާތެއް ފަށައިފިއެވެ.
ިމޮކްރަސީ ދުވަސް ފާހަގަ ކުރުމަށް އީސީން ކުރިއަށްގެންދާ މި މުބާރާތުގައި ބައިވެރިވެވެނީ ގްރޭޑް7-8 ގެ ދަރިވަރުންނާއި ގްރޭޑް 8-10 ގެ ދަރިވަރުން އަދި 11-12 ގެ ދަރިވަރުންނަށެވެ.
މި މުބާރާތުގައި ބައިވެރިކުރާ ކުރެހުންތައް އަންނަ ނޮވެމްބަރު 10 ވަނަ ދުވަހުގެ ކުރިން އެ ކުއްޖަކު ބައިވެރިވާ ސްކޫލެއްގެ އިދާރާއަށް ހުށަހަޅަންޖެހޭއިރު، މި މުބާރާތުގައި ވަނަ ހޮވަނީ ކޮންމެ ކީ ސްޓޭޖެއް ވަކިންނެވެ.
އެގޮތުން ކޮންމެ ކީ ސްޓޭޖަކުން އެއް ވަނަ، ދެވަނަ އަދި ތިން ވަނަ ހޮވުމަށް ވަނީ ނިންމާފައެވެ. އަދި ބައިވެރިވާ ސްކޫލްތަކަށް ހަނދާނީ ފިލާ ދޭގޮތަށް ވެސް ވަނީ ހަމަޖައްސާފައެވެ.
އިލެކްޝަންސް ކޮމިޝަނުން ބުނީ މުޅި މުބާރާތުގައި 18،000 ރުފިޔާ ދިނުމަށް ނިންމާފައިވާ ކަމަށެވެ. އެގޮތުން ކޮންމެ ކީ ސްޓޭޖަކުން އެއް ވަނައަށް ދާ ކުރެހުމަކަށް 3،000 ރުފިޔާ، ދެވަނައަށްދާ ކުރެހުމަކަށް 2،000 ރުފިޔާ އަދި ތިން ވަނައަށް ދާ ކުރެހުމަކަށް 1،000 ރުފިޔާ ލިބޭނެ ކަމަށް އީސީން ބުނެއެވެ.
