ރާއްޖޭގެ ދީނީ ޢިލްމުވެރިންނަށާއި އިމާމުންނަށް ޚާއްސަކޮށްގެން އައްޑޫ ސިޓީ ހިތަދޫ ޙިރާ ސްކޫލުގައި މަސައްކަތު ބައްދަލުވުމެއް ބާއްވައިފިއެވެ.
މިމަހު 17 އިން 18 އަށް ބޭއްވި މި މަސައްކަތު ބައްދަލުވުމުގައި އައްޑޫ ސިޓީގެ ޢިލްމުވެރީންގެ ތެރެއިން 20 ބޭފުޅަކު ވަނީ ބައިވެރިވެ ވަޑައިގެންފައެވެ.
މި މަސައްލަތު ބައްދަލުވުމުގައި ކިޔަވައި ދެއްވައިފައިވަނީ މިހާރު ރާއްޖެ ވަޑައިގެން އުޅުއްވާ ސަޢުދީޢަރަބިޔާގެ ވަފުދެއްގައި ހިމެނިވަޑައިގަންނަވާ ބޭފުޅުންނެވެ. މި ބައްދަލުވުމުގައި މަޢުލޫމާތު ދެއްވާފައިވަނީ ޢިލްމުވެރިންގެ ދައުރާ ބެހޭގޮތުންނެވެ.
މިއީ ސަޢުދީ ޢަރަބިއްޔާގެ މިނިސްޓްރީ އޮފް އިސްލާމިކް އެފެއާޒް، އެންޑޯމަންޓްސް، ދަޢުވާ އެންޑް ގައިޑެންސާއި މިނިސްޓްރީ އޮފް އިސްލާމިކް އެފެއާޒް ގުޅިގެން ބޭއްވި މަސައްކަތު ބައްދަލުވުމެކެވެ.
މީގެ ބައްދަލުވުމެއް މިމަހު 19 އިން 20 އަށް މާލެ ސިޓީގައި ދިރިއުޅުއްވާ ޢިލްމުވެރިންނަށް ވެސް ބޭއްވުމަށްވަނީ ހަމަޖެހިފައެވެ. އެ މަސައްކަތު ބައްދަލުވުން އޮންނާނީ މިނިސްޓްރީ އޮފް އިސްލާމިކް އެފެއާޒްގެ ޖަލްސާކުރާ މާލަމްގައެވެ.
ސަޢުދީގެ ވަފުދު މިމަހު 16 އިން 22 އަށް ރާއްޖޭގައި އުޅުއްވާނެއެވެ.
