ޢުމުރުން އެންމެ 6 އަހަރުގައި ކީރިތި ޤުރުއާން ހިތު ދަސްކޮށްފައިވާ ޔޫސުފް ބިން މާޒިންގެ ފަޚުރުވެރި އެމާތް މަސައްކަތް ފާހަގަކޮށް އިސްލާމިކް މިނިސްޓަރ ޑރ. އަޙުމަދު ޒާހިރު އޭނާއާ ބައްދަލުކުރައްވައި ހިތްވަރު ދެއްވައިފިއެވެ.
އެކުއްޖާ އާ ބައްދަކު ކުރައްވައި އިސްލާމިކް މިނިސްޓަރވަނީ އެމަސައްކަތުގެ އަގުވަރަށްބޮޑަށް ވަޒަން ކުރައްވާ ކަމަށް ވިދާޅުވެފައެވެ.
މި ބައްދަލުކުރެއްވުމުގައި އިސްލާމިކް މިނިސްޓަރ ވަނީ ޔޫސުފަށް ޤުރުއާން ހިތުދަސްކޮށް ދިނުމަށް އޭނާގެ މައިންބަފައިން ކޮށްދެއްވައިފައިވާ މިންނެތް މަސައްކަތައް ފާހަގަ ކުރައްވައި އެބޭފުޅުންނަށް ވެސް އިތުރު ހިތްވަރާއި މަރުޙަބާ ދަންވައިފައެވެ.
ޔޫފު ޤުރުއާން ހިތު ދަސްކުރުމުން އެކަމުގެ އަގުވަޒަން ކުރުމުގެ ގޮތުން އިސްލާމިކް މިނިސްޓަރވަނީ އޭއަށް ހަދިޔާ ދެއްވައިފައެވެ.
ހާފިޘުންގެ ލިސްޓުގައި ޔޫސުފް ހިމެނުމަށްޓަކައި ކީރިތި ޤުރުއާނާބެހޭ މަރުކަޒުގެ ކޮމިޓީއަށް ކިޔައިދޭގޮތަށް މިހާރުވަނީ ހަމަޖައްސާފައެވެ. އަދި ވަރަށް އަވަހަށް މިކޮމިޓީއަށް ޔޫސުފް ހިފްޘު ކޮށްފައިހުރި މިންވަރު މިންވަރުބެލުމަށްޓަކައި ކިޔައިދޭނެއެވެ. މިއީ ދިވެހިރާއްޖޭގައި އުމުރުން 6 އަހަރުގައި ޤުރުއާން އެއްކޮށް ހިތުދަސްކޮށްފައިވާ ފުރަތަމަ ފަހަރެވެ.
ޔޫސުފަކީ ދޮންދޫނި ޕްރީ ސްކޫލުގެ ދަރިވަރެކެވެ.
