ކެމިކަލް ގުދަންތައް މީހުން ދިރިއުޅޭ ސަރަހައްދުތަކާ ދުރަށް ބަދަލުކުރުމަށް އަވަސް ޕްލޭނެއް އެކުލަވާލައްވަން ވަޒިރުން މަޖިލީހުގެ ކުއްލި ބައްދަލުވުމުން ނިންމައިފިއެވެ. މިޕްލޭންގައި ކެމިކަލްގެ އިތުރުން އެފަދަ ނުރައްކާތެރި އެހެންތަކެތިވެސް މީހުން ދިރިއުޅޭ ސަރަހައްދުތަކާ ދުރަށް ބަދަލުކުރުމުގެ ކަންކަން ކުރިޔަށްގެންދަވާނެ ކަނޑައެޅިގެންދާނެއެވެ. ވަޒީރުންގެ މަޖްލީހުން މި ގޮތަށް ނިންމަވައިފައި ވަނީ ކުރިޔަށް އޮތްތަނުގައި މިފަދަ ހާދިސާތައް ތަކުރާރުވިޔަ ނުދިމަށް އަޅުއްވަންޖެހޭ ފިޔަޅުތަކާ ބެހޭގޮތުން މަޝްވަރާކުރެއްވުމަށްފަހުއެވެ.
ވަޒީރުންގެ މަޖިލީހުގެ ކުއްލި ބައްދަލުވުން ބާއްވައިފައިވަނީ މިރޭ މާލޭގައި ހިނގި އަލިފާނުގެ ހާދިސާއާ ގުޅިގެން ސަރުކާރުން ކަންކަން ކުރިޔަށްގެންދާނެ ގޮތްތަކެއް ކަނޑައަޅައި މިފަދަ ހާދިސާތައް ތަކުރާރުވިޔަ ނުދިމަށްޓަކައި ކުރަންޖެހޭ ކަންކަމާ އަޅުއްވާނެ ފިޔަވަޅުތަކާ ގުޅޭގޮތުން މަޝްވަރާ ކުރެއްވުމަށެވެ. ވަޒީރުންގެ މަޖލީހުގެ ކުއްލި ޖަލްސާ މިރޭ ބޭއްވީ މުލީއާގޭގައެވެ.
ހެންވޭރު އަބަދަށްފެހި މަގުގައި ހުރި ގެތަކަކާ، އަދި ގުދަންތަކެއް ހިމެނޭގޮތަށް ހިނގި މި ހާދިސާގައި އެކަކު ވަނީ މަރުވެފައެވެ. މަރުވި މީހާގެ ހަށިގަނޑުވަނީ ކާކުކަން ނޭގޭ ވަރަށް އަނދައިފައެވެ.
