ކޮމަންވެލްތުގެ މެމްބަރު ކަމުން ރާއްޖެވަކިވާން ރައްޔިތުންގެ މަޖިލީހުގެ 39 މެމްބަރުންގެ އަޣުލަބިއްޔަތަކުން މިއަދު ފާސްކޮށްފިއެވެ. މިއަދު އޮތް ރައްޔިތުންގެ މަޖިލީހުގެ ޖަލްސާގައި ބައިވެރިވެވަޑައިގެންނެވި 58 މެމްބަރުންގެ ތެރެއިން 39 މެމްބަރުން ވަނީ ކޮމަންވެލްތުން ރާއްޖެ ވަކިވާން ފެންނަކަމަށް ވޯޓުދެއްވާފައެވެ.
މިއަދު ނެގި ވޯޓުގައި، ކޮމަންވެލްތުން ވަކިވާން ނުފެންނަ ކަމަށް 18 މެމްބަރަކު ވޯޓު ދެއްވިއެވެ. އަދި ވަކި ގޮތަކަށް ވޯޓުދޭން ނުފެންނަކަމަށް ވޯޓުދެއްވީ 3 މެމްބަރަކެވެ. ކޮމަންވެލްތުގެ މެމަބަރުކަމުން ރާއްޖެ ވަކިމިވީ އެޖަމާޢަތުގެ މެމްބަރެއްގެގޮތުގައި ރާއްޖެ އޮންނަތާ 34 އަހަރު ފަހުންނެވެ. އެޖަމާޢަތުން ވަކިވުމާ ގުޅޭ ގޮތުން ރައްޔިތުންގެ މަޖިލީހުގެ މަޝްވަރާއަށް ރައީސުލް ޖުމްހޫރިއްޔާ ވަނީ މިދިޔަ އަހަރު އެދިވަޑައިގެންފައެވެ.
ކޮމަންވެލްތުން ރާއްޖެ ވަކިވާން ރަސްމީކޮށް ދިވެހިސަރުކާރުން ނިންމީ މިދިޔަ ބުރާސްފަތި ދުވަހުއެވެ.
