ދިވެހިންގެ ކުޅިވަރުގެ ޙަޔާތުގައި މިހާތަނަށް ހޯދައިފައި ނުވާފަދަ ކާމިޔާބީއެެއް ދިވެހި އަންހެން ދަރިން ހޯދައިދީ މުޅި ޤައުމު ރަނާ ރިހިން ޖަރީ ކޮށްދީފިއެވެ.
އިންޑިއަން އޯޝަން އައިލެންޑް ގޭމްސް (އައިއޯއައިޖީ)، ގައި ރާއްޖެއަށް ހަތަރު ރަންމެޑަލް ހޯދައިދީފައި ވަނީ ދިވެހި އަންހެން ދަރިންނެވެ. އެއީ ބެޑްމިންޓަން ވިމެންސް ސިންގަލްސް އިން އައިމިނަތު ނަބީހާ ޢަބްދުއްރައްޒާޤް ހޯދައި ދިން ރަން މެޑެއްޔާއި ޓޭބަލް ޓެނިސް ވިމެންސް ސިންގަލްސް އިން ޢުމުރުން 11 އަހަރުގެ ދީމާ ޢަލީ ހޯދައިދިން ރަންމެޑެއްޔާއި ޓޭބަލް ޓެނިސް ވިމެންސް ޓީމު އިވެންޓުން ހޯދި ރަން މެޑެއްޔާއި ޑަބަލްސް އިވެންޓުން ހޯދި ރަން މެޑެއްޔެވެ. ޓޭބަލް ޓެނިސް ވިމެންސް ޓީމު އިވެންޓުން ރާއްޖެއަށް ރަން މެޑަލް ހޯދައިދިނީ ދިމާ ޢަލީ އާއި ޢާއިޝަތު ރަފާ ނާޒިމާއި މުޢީނާ މުޙައްމަދާއި ފާތުމަތު ޖުމާނާ ނިމާލެވެ. ޑަބަލްސް އިވެންޓުން ރަން މެޑަލް ހޯދައި ދިނީ ދީމާ ޢަލީ އާއި ޢާއިޝަތު ރަފާ ނާޒިމެވެ.
Rafa and Dheema advanced to the semifinals in the singles category of women’s Table Tennis ? pic.twitter.com/VZ1BARKR9n
— Maldives Olympic Committee (@nocmaldives) July 27, 2019
ރާއްޖެއަށް މިހަރު ހޯދައިދިން ހަތަރު ރިހިމެޑަލްގެ ތެރެއިން ތިން ރިހިމެޑެލް ވެސް ހޯދައި ދިނީ ދިވެހި އަންހެން ކުޅުންތެރިންނެވެ. ދިވެހި އަންހެންޓީޓީ ޓީމުން ވަނީ ޓީޓީގެ ޑަބަލްސް އިވެންޓުން ރިހި މެޑަލްވެސް ހޯދައިފައެވެ. އެއީ ރާއްޖޭގެ ތަޖްރިބާކާރު ކުޅުންތެރިޔާ މުޢީނާ މުޙައްމަދާއި ފާތުމަތު ޖުމާނާ ނިމާލެް އެވެ.
Table Tennis ? Women’s singles Game 1
Dheema 3-0 MDG ??
Dheema (11,11,11)
MDG ?? (3,3,8)Rafa 3-0 COM ??
Rafa (11,11,11)
COM ?? (3,1,5)Jumana 3-0 MUS ??
Jumana (11,11,11)
MUS ?? (9,8,5)Mueena 3-0 REU
Mueena (11,11,11)
REU (4,1,3) pic.twitter.com/x4VgkurSsY— Maldives Olympic Committee (@nocmaldives) July 26, 2019
އަދި ބެޑްމިންޓަން ވިމެންސް ޑަބަލްސް އިން ނަބީހާ އާއި އޭނާގެ އެއްބަނޑުއެއްބަފާ ކޮއްކޮ ފާތިމަތު ނަބާހާ އަބްދުއްރައްޒާގް ހޯދައިދިން ރިހި މެޑެއްޔެވެ. އަދި ޓޭބަލް ޓެނިސް ވިމެންސް ސިންގަލްސް އިން ރާއްޖެއަށް ރަން މެޑަލް ހޯދައިދިން ދިމާއާ ބައްދަލުކޮށް ރިހިމެޑަލްވެސް ހޯދީ ރާއްޖޭގެ ޢާއިޝަތު ރަފާ ނާޒިމެވެ. އަންހެން ކުޅުންތެރިން ނުހިމެނި ހަމައެކަނި ރިހިމެޑަލް ހޯދައިދީފައި ވަނީ ބީޗް ވޮލީ ބޯޅައިގެ ޓީމް އިވެންޓުންނެވެ. އެހެންކަމުން ދިވެހި އަންހެން ކުޅުން ތެެރިން މާރަނގަޅަށްވެސް މިވަނީ ފިރިހެން ކުޅުންތެރިން ފަހަތަށް ޖައްސައި ކުރިއަރައިގެން ގޮސްފައެވެ.
Rafa and Dheema advanced to the finals in the singles category of women’s Table Tennis ?
? Ali Mashaar pic.twitter.com/KNFf9QAhkg
— Maldives Olympic Committee (@nocmaldives) July 27, 2019
އައިއޯއައިޖީ2019 ގައި ރާއްޖޭގެ ނަން ފުރަތަ ރަނުން ފަވާލަދީނީ ދިވެހި އަންހެން ޓީޓީމެވެ. އެއިން ހިތްވަރު ލިބި ދިވެހި އަންހެން ޓީމުތަކުންނާއި އިންޑިވިޖުއަލް ކުޅުންތެރިން ހޯދި ކާމިޔާބީން މިކުޑަކުޑަ ދިވެހި ޤައުމުގެ ނަން މިވަނީ މާބޮޑެތި ޤަމުތަކަށް ވުރެ އުހަށް އުފުލި ރަނުން ފަވާލެވިފައެވެ. މިޤައުމުގެ ނަން ރަނާއި ރިހިން ޖަރީކޮށްދިން ދިވެހި އަންހެން ދަރިނަށް ތަޢުރީފާއި ޝުކުރު އިންތިއާއަށް ޙައްޤެވެ.
Young champs Rafa and Dheema wins gold and silver for the Maldives! pic.twitter.com/tBKei8Tn2l
— Maldives Olympic Committee (@nocmaldives) July 27, 2019
އައިއޯއައިޖީ2019 ގައި ރާއްޖެއަށް ރަނާއި ރިހި މެޑަލް ހޯދައިދިން އަންހެން ކުޅުންތެރިންގެ ތެރެއިންވެސް ޢުމުރުން 11 އަހަރުގެ ދިމާއާއި ނަބީހާ ގެ ނަން މިވަނީ ރާއްޖޭގެ ކުޅިވަރުގެ ތާރީޚުގައި ރަނުން ލިޔެވި ފަވާ ލެވިފައެވެ. އައިމިނަތު ނަބީހާ ޢަބްދުއްރައްޒާޤް ގެ ނަން ރާއްޖޭގެ ތާރީޚްގައި ރަނުން ލިޔެވި ގެން ދިޔައީ ބެޑްމިންޓަން ވިމެންސް ސިންގަލްސް އިން ރަން މެޑަލް ރާއްޖެއަށް ހޯދައިދީގެެންނެވެ. އަދި މިއީ ބެޓްމިންޓަނުން ރާއްޖެއަށް ލިބުނު ފުރަތަމަ ރަންމެޑެއްޔަށް ވުމުންނެވެ.
Nabeeha triumps in the Badminton ? finals of the women’s singles at the IOIG2019 ? pic.twitter.com/bWPuZxUd6l
— Maldives Olympic Committee (@nocmaldives) July 26, 2019
ރާއްޖޭގެ 54 ވަނަ މިނިވަން ދުވަހު ނަބީހާ، ރާއްޖޭގެ ނަން ބައިނަލް އަޤްވާމީ ކުޅިވަރު މައިދާނުގައި ރަނުން ފަވާލަ ދިނުމަކީ މިކުޑަކުޑަ ޤައުމަށް ލިބިގެންދިޔަ ވަރަށް ބޮޑު ކާމިޔާބީއަކާއި ފަޚުރަކާއި ޝަރަފެކެވެ.
ނަބީހާ އެ ހޯދި ރަން ކާމިޔާބީ ފާހަގަކޮށް މީސްމިޑިއާގައި ގިނަ ބަޔަކު ވަނީ އޭނާއަށް ތަޢްރީފުކޮށް މަރުޙަބާ ކިޔައިފަވެ. ގިނަ ބަޔަކު ބުނެފައި ވަނީ މިނިވަން ދުވަހު ނަބީހާ ޤައުމަށް ހޯދައި ދިނީ މުޅި ޤައުމު ނަބީހާއަށް ޓަކައި ފަޚުރުވެރި ވާނެ ކާމިޔާބީއެއް ކަމުގެވެ. ނަބީހާ ބުނެފައި ވަނީ ރަންމެޑެއްޔަކީ ދިވެހިނަށް މިނިވަން ދުވަހުގެ އޭނާ ދިން ހަދިޔާއެއްް ކަމުގައެވެ.
Proud moment for Team Maldives as Nabeeha clinched her gold?at the Finals of the Badminton women’s singles. pic.twitter.com/0DnLU0UKwd
— Maldives Olympic Committee (@nocmaldives) July 26, 2019
ޢުއުމުރުން 11 އަހަރުގެ ދީމާ އަކީ މިހާރު ރާއްޖޭގެ އިތުރުން މިސަރައްދުގައިވެސް ހުރި އެންމެ އުއްމީދީ ކުޅުންތެރިޔާއެވެ. އެހާ ޅަޢުމުރުގައި ދީމާ ޤައުމަށް ރީތި ނަން ހޯދައިދީ ޤައުމުގެ ނަން ރަނުން ފަވާލަދިނީ ވަރުބަލިކަމެއް ނެތި ކަށިން ހިތްވަރު ނެރެގެންނެވެ. ފުރަތަމަ ޓީމް އިވެންޓްތަކުން ރަން މެޑަލް ހޯދާލައިގެން ހިތްހަމަ ޖެހި ލައިގެން ހުންނާކަށް ދިމާ ބޭނުމެެއް ނުވިއެެވެ. ޓީމް އިވެންޓްތަކުން ލިބުނު ރަންމެޑަލްގެ ހިތްވަރާއި ޖޯޝުން އިންޑިވިޖުއަލް ގޭމްގައި އެނާ ވަނީ މޮޅު ކުޅުމެއް ދައްކައި އެންމެ މޮޅު ކުޅުންތެރިޔާގެ މަޤާމު ހޯދައި މި ކުޑަކުޑަ ޤައުމު ރަނުން ޖަރީ ކޮށްދީފައެވެ. ދިމާ މިހާރު ވެގެން ގޮސްފައިވަނީ މިސަރަޙައްދުގެ އެހެން ޤައުމުތަކުންވެސް ޖެހިލުންވާ މޮޅު ކުޅުން ތެރިއަކަށެވެ.
Dheema, one of the most accomplished Table Tennis player Maldives have ever seen, is appointment as the TeamMaldives Flag Bearer for the closing ceremony of the IOIG2019. pic.twitter.com/vbfMIHOAyM
— Maldives Olympic Committee (@nocmaldives) July 27, 2019
ދިވެހި ކުޅިވަރު ޙަޔާތުގައި ބައިނަލްއަޤްވާމީ އިންޑިވިޖުއަލް ގޭމްއަކުން ރާއްޖެއަށް މިހާތަށް ލިބިފައި ވަނީ ތިން ރަން މެޑަލް އެވެ. އެއިން ދެ މެޑެއްޔަކީ ދިމާއާއި ނަބީހާގެ ދެރަން މެޑަލްއެވެ. އެނެއް މެޑެއްޔަކީ 2015 ވަނަ އަހަރު ބާރު ދުވުން ތެރިޔާ ސާޢިދު ރާއްޖެއަަށް ހޯދައިދިން ރަން މެޑެއްޔެވެ.
އައިއޯއައިޖީގައި ރާއްޖޭގެ އަންހެން ކުޅުންތެރިން ހޯދަމުންދާ ކާމިޔާބީ ފާހަގަކޮށް ޖެންޑަރ މިނިސްޓަރ ސިދާތާ ޝަރީފު ކުރައްވައިފައިވާ ޓްވިޓެއްގައި ވިދާޅުވެފައި ވަނީ މިކުޅުން ތެރިން، ދިވެހިންގެ އިހުގެ ބޯދާ ވިސްނުން ނިމުމަކަށް ގެނެސްދީފިކަމުގައެވެ. މިނިސްޓަރ ވިދާޅުވެފައިވަނީ ކުޅިވަރުގެ ދާއިރާއިން އަންހެންކުދިންނަށް އިތުރަށް ފުރުޞަތު ލިބެންޖެހޭ ކަމަށެވެ. އެހެން ކަމުން ފުރުޞަތު ގެއްލިފައިވާ އަންހެންކުދިންނަށް އެފަދަ ފުރުޞަތުތައް ހޯއްދަވައި ދެއްވުމަށް އެދިވަޑައިގެންނެވިއެވެ.
ބެޑްމިންޓަނާއި ޓީޓީގެ ރަން އަދި ރިހި މެޑަލްތަކާ އެކު އައިއޯއައިޖީ 2019 ގައި ރާއްޖޭންއިން 15 މެޑަލް ހޯދައިފައެވެ. އެއީ ބީޗް ވޮލީބޯޅައިން ހޯދި ރިހި މެޑެއްޔާއި ލޯ މެޑެއްޔާއި އެތުލެޓިކްސް އިން ހޯދި ތިން ލޯ މެޑެއްޔެވެ. އެހެން ކަމުން ރާއްޖެއިން މިފަހަރު ކަނށޑައެޅި ޓާގެޓް މިވަނީ ވަރަށް ވެސް ފުރިހަމަ އަށް ޙާޞިލް ވެފައެވެ.
މިޓާގެޓަށް ދިވެހި ރާއްޖެ އަށް ޙާޞިލްކޮށް ދިނުމުގައި އެންމެ ބޮޑު ރޯލެއް ކުޅެދިނީ ދިވެހި އަންހެން ކުޅުންތެރިންނޭ ދެންނެވުމަކީ ފިރިހެން ކުޅުންތެރިނަށް ކުރެވޭ ބޭ އިންސާފަކަށް ނުވާނެ އެވެ.
އަންހެނުންނާ ބެހޭ ވަޒީރު ސިދާތާ ޝަރީފު ވިދާޅުވެފައިވާ ފަދައިން ކުރީގެ ބޯދާ ވިސްނުން ދޫކޮށްލާ އަންހެނުންނަށް އިތުރު ފުރުޞަތު ތައް ހޯދައި ދެވިއްޖެނަމަ ތަފާތު އެހެން ކުޅިވަރުތަކުނާއި އެެހެން ދާއިރާތަކުން ވެސް އަންހެނުން ކުރި ހޯދާނެކަން ދިވެހި އަންހެން ކުޅުން ތެރިން މިވަނީ މުޅި ދުނިޔެއަށް ކަށަވަރު ކޮށްދީފައެވެ. ފުރުޞަތު ހޯދައި ދީފިނަމަ ކުރިއަށްދާން ތައްޔާރެވެ! ކުރި ހޯދަންވެސް ތައްޔާރެވެ! ސާބަސް ދިވެހި އަންހެން ދަރިން..!
