ކުރީގެ ރައީސް މުޙަންމަދު ނަޝީދުގެ ވެރިކަމުގައި ޑިފެންސް މިނިސްޓަރުކަން ކުރެއްވި، އަމީންފައިސަލް މިރޭ ފުލުހުންގެ އިދާރާއަށް ޙާޒިރުކުރީ އޭނާ ވަޒީރުކަމުގެ މަޤާމުގައި ހުންނެވި ދުވަސްވަރު، މިހާރުގެ ރައީސުލް ޖުމްހޫރިއްޔާ، އޭރު ރައްޔިތުންގެ މަޖިލީހުގެ މުލަކުދާއިރާގެ މްމަބަރު ސިފައިން މެދުވެރިކޮށް ހައްޔަރުކުރި މައްސަލާގައި ސުވާލުކުރުމަށްކަމަށް އަމީން ފައިސަލް ވިދާޅުވެއްޖެއެވެ.
މިރޭ 20:00 ގައި ފުލުހުންގެ އިދާރާއަށް ޙާޒިރުވުމަށްފަހު މީޑިއާއަށް މަޢުލޫމާތުދެއްވަމުން އަމީން ފައިސަލް ވިދާޅުވީ، ރައީސް ޔާމީން ހައްޔަރުކުރި މައްސަލައާގުޅޭގޮތުން ފުލުހުން އޭނާއާ ސުވަލުކޮށް ބަޔާނެއ ނަގާފައިވާކަމަށެވެ. އަދި ފުލުހުން އޭނާއާމެދު ކުރަނީ ޓެރަރިޒަމްގެ ތުހުަމތުކަމަށްވެސް އަމީން ފައިސަލާ ހަވާލާދީ ބައެއް މީޑިއާތަކުގައި ހާމަކޮށްފައިވެއެވެ.
އަމީން ފައިސަލްގެ އިތުރުން އޭރުގެ ޗީފް އޮފް ޑިފެންސްފޯސް މޫސާ ޢަލީޖަލީލްވެސް ވަނީ މިއަދު ހަވީރު ފުލުހުންގެ އިދާރާއަށް ހާޒިރުކޮށްފައެވެ. އޭނާއާވެސް ފުލުހުން ސުވާލުކުރީ މިމައްސަލާގައިކަމަށް މަޢުލޫމާތުލިބެއެވެ. އެހެންނަމަވެސް މޫސާ ޢަލީ ޖަލީލްގެ ފަރާތުން މިކަމުގައި އެއްވެސް އެއްޗެއް މިހާތަނަށް ހާމަކޮށްފައެއް ނުވެއެވެ.
ނަޝީދުގެ ވެރިކަމުގައި، މިހާރުގެ ރައީސް ޔާމީން ހައްޔަރުކުރީ، ސަރުކާރުވައްޓާލަން ރައްޔިތުންގެ މަޖިލީހުގެ މެމްބަރުންނަށް ރިޝްވަތުދެއްވުމުގައި ބައިވެރިކަމުގެ ތުހުމަތުގައިކަމަށް އޭރު ސަރުކާރުންވަނީ ހާމަކުރައްވާފައެވެ. ރައީސް ޔާމީން ހައްޔަރުކުރީ ސިފައިންމެދުވެރިކޮށްކަމަށްވާއިރު، ބަންދުކޮށްފައި ބެހެއްޓީވެސް ސިފައިންގެ ބެލުމުގެ ދަށުން މާލެއަތޮޅު އާރަށުގައެވެ.
އޭރުގެ ރައްޔިތުންގެ މަޖިލީހުގެ މުލަކު ދާއިރާގެ މެމްބަރު އަބްދުﷲ ހައްޔަރުކޮށް ކ. އާރަށަށް ގެންގޮސްފައި ވަނީ 2010 ވަނަ އަހަރުގެ ޖުލައިމަހުގެ ވަނަ ދުވަހުގެ ރޭ ދަންވަރުގެ ވަގުތެއްގައެވެ. އަދި އެމަނިކުފާނު ދޫކޮށްލާފައި ވަނީ އެއަހަރުގެ ޖުލައި 23 ވަނަ ދުވަހުއެވެ.
