ކުޑަކުއްޖަކަށް ޖިންސީ ގޯނާކުރިކަމަށް ތުހުމަތުކުރެވޭ މައްސަލައަކާއި ގުޅިގެން އަންހެނަކު ހޯދަން ފުލުހުން ޢިއުލާންކޮށްފިއެވެ.
ފުލުހުންގެ ފެމިލީ އެންޑް ޗައިލްޑް ޕްރޮޓެކްޝަން ޑިޕާޓްމަންޓުން ތަހުޤީޤު ކުރަމުންދާ މައްސަލައަކާއި ގުޅިގެން ހޯދަމުންދަނީ ސ.ފޭދޫ، ރެޑްރޯސް ޢުމުރުން 25 އަހަރުގެ އާމިނަތު ނުސްރަތު އެވެ. އާމިނަތު ނުސްރަތު ހޯދަމުންދަނީ ފެމިލީ އެންޑް ޗައިލްޑް ޕްރޮޓެކްޝަން ޑިޕާޓްމަންޓުން ތަހުޤީޤު ކުރަމުންދާ ކުޑަކުއްޖަކަށް ޖިންސީ ގޯނާކުރިކަމަށް ތުހުމަތުކުރެވޭ މައްސަލައަކާއި ގުޅިގެންކަން ފުލުހުންވަނީ ހާމަކޮށްފައެވެ.
އާމިނަތު ނުސްރަތުއާ ބެހޭ އެއްވެސް މަޢުލޫމާތެއް ލިބިފައިވާނަމަ އެމަޢުލޫމާތެއް ފުލުހުންގެ ހޮޓްލައިން ނަމްބަރު 3322111 އަށް ނުވަތަ ފެމިލީ އެންޑް ޗައިލްޑް ޕްރޮޓެކްޝަން ޑިޕާޓްމަންޓްގެ ޑިއުޓީ ނަމްބަރު 9790163 އަށް ގުޅައި އެމަޢުލޫމާތު ޙިއްސާކުރުމަށް ފުލުހުން އެދެއެވެ.
