އިންޑިއާގެ ބޮޑުވަޒީރު ނަރެންދްރަ މޯދީ މިއަދު ރާއްޖެ ވަޑައިގެންފިއެވެ. މިއީ ދެވަނަ ދައުރަކަށް ހޮވިވަޑައިގެން ބޮޑުވަޒީރުކަމުގެ ހުވައި ކުރެއްވުމަށްފަހު އެމަނކުފާނު ގައުމުން ބޭރަށްކުރައްވާ ފުރަތަމަ ރަސްމީ ދަތުރުފުޅެވެ. މޯދީ ރާއްޖެ ވަދައިގަތުމުން ވެލާނާ އިންޓަރނޭޝަނަލް އެއަރޕޯޓުން މަރުޙަބާ ދެންނެވީ ރާއްޖޭގެ ފޮރިން މިނިސްޓަރު ޢަބްދުﷲ ޝާހިދާއި އިންޑިއާގެ އެމްބެސެޑަރެވެ.
Prime Minister of #India @narendramodi arrives in the #Maldives pic.twitter.com/b2dtcyvfvY
— The President's Office (@presidencymv) June 8, 2019
ދާދި ކުދަ އިރުކޮޅެއްގެ ތެރޭގައި އެމަނިކުފާނު މާލެ ވަޑައިގަންނަވާނެއެވެ، މާލެއިން އެމަނިކުފާނަށް މަރުޙަބާ ދަންނަވާނީ ރައީސުލުޖުމްހޫރިއްޔާ އިބްރާހީމް މުހައްމަދު ޞާލިޙް އެވެ. މި ރަސްމިއްޔާތު އޮންނާނީ ޖުމްހޫރީ މައިދާނުގައެވެ.
މޯދީގެ މި ދަތުރުފުޅުގައި އިންޑީއާ އާއި ރާއްޖެ އާ ދެމެދު ހަ އެއްބަސްވުމެއްގައި ސޮއިކުރައްވާ ގޮތަށް ހަމަޖެހިފައިވެއެވެ. އޭގެ އިތުރުން މިއަދުގެ މަޣްރިބް ނަމާދަށްފަހު ރައްޔިތުންގެ މަޖިލީހުގައި ތަޤްރީރުކުރައްވާނެއެވެ.
— The President's Office (@presidencymv) June 8, 2019
