ިންޑިއާ ސަރުކާރުން ދިވެހި ރާއްޖެއަށް ދީފައިވާ 106 މިލިއަން ދިވެހި ރުފިޔާ (6.9 މިލިއަން އެމެރިކާ ޑޮލަރު) ގެ ހިލޭ އެހީގެ ތެރެއިން ދެ ރަށެއްގައި އައިސް ޕްލާންޓް އެޅުމަށް 8 މިލިއަން ދިވެހި ރުފިޔާ ކަނޑައަޅައިފިއެވެ.
ފޮރިން މިނިސްޓްރީން މިއަދު ބުނީ މި މަޝްރޫޢުގެ ދަށުން 25 މެޓްރިކް ޓަނުގެ ދެ އައިސް ޕްލާންޓް ބަހައްޓާނެ ކަމަށެވެ. އައިސް ޕްލާންޓް ބަހައްޓާނެ ދެރަށެއް އަދި މުޅިން ހަމަޖައްސާފައި ނެތަސް ފޮރިން މިނިސްޓްރީން ބުނީ އައިސް ޕާލާންޓް ބަހައްޓާނީ މަސްވެރިކަން ކުރާ މަސްވެރިން ގިނަ ދެ ދެރަށެއްގައި ކަމަށެވެ. ދެރަށް ކަނޑައަޅާނީ ފަހުން ކަމަށެވެ.
މިނިސްޓްރީން ބުނީ އައިސް ޕްލާންޓުތައް ބެހެއްޓުމުގެ ސަބަބުން އުކާލަންޖެހޭ މަސް މަދުވެ، މަސް ގަންނަ ފަރާތްތަކަށް ވިއްކާ މަހުގެ ފެންވަރު ރަނގަޅު ވެގެންދާނެއެވެ. މި ޕްރޮޖެކްޓުގެ ދަށުން އައިސް ޕްލާންޓް ހިންގުމުގައި ހަރަކާތްތެރިވާ ފަރާތްތައް ތަމްރީނު ކުރުމަށްވެސް ވަނީ ނިންމާފައެވެ.
އިޖްތިމާއީ- އިޤްތިޞާދީ ތަރައްގީއަށް ބޭނުންވާ ޕްރޮޖެކްޓުތައް ހިންގުމަށްޓަކައި އިންޑިއާ ސަރުކާރުން ހިލޭ އެހީ ރާއްޖެއަށް ދިނުމަށް އެއްބަސްވީ މި އަހަރުގެ މާރިޗް މަހު 17 އިން 18 އަށް އިންޑިއާގެ މިނިސްޓަރ އޮފް އެކްސްޓާރނަލް އެފެއާޒް ހަރ އެކްސަލަންސީ ސުޝްމާ ސްވަރާޖް ރާއްޖެއަށް ކުރެއްވި ރަސްމީ ދަތުރުފުޅުގައެވެ.
