ބަންގްލަދޭޝްގެ ވެރިރަށް ޑާކާގެ އުތުރުގެ ސަރަޙައްދެއްގެ އަންނައުނު ކާރުޚާނާއެއްގައި ހިނގި އަލިފާނުގެ ޙާދިސާއެއްގައި ރޯވެ، މަރުވެގެން 20 މީހުން މަރުވެ 50 އަށްވުރެ ގިނަ މީހުން ޒަޚަމްވެއްޖެއެވެ.
ޑާކާގެ ސިނާޢީ ސަރަޙައްދުގައި ހުންނަ ފެކްޓަރީއެއްގައި އަލިފާން ރޯވި އިރު ފެކްޓަރީގައި 100 އެއްހާމީހުން މަސައްކަތް ކުރަމުން ދިޔަ ކަމަށާ، އިމާރާތުގައި ރޯވީ އެއްޗެއް ހޫނުކުރަން އުޅުމުގެ ތެރޭގައި ކަމަށް، ބަންގްލަދޭޝްގެ ކަމާބެހޭ ފަރާތްތަކާ ޙަވާލާދީ އަލްޖަޒީރާއިން ރިޕޯޓުކުރެއެވެ.
މިބާވަތުގެ ކާރުޚާނާތަކުގައި އަލިފާނުގެ ޙާދިސާތައް ހިނގުމަކޯ ބަންގްލަދޭޝްގައި ޢާއްމުކަމެކެވެ. އެގޮތުން މިފަދަ ޙާދިސާއެއްގައި މިދިޔަ އަހަރު ޑާކާގެ ފެކްޓަރީއަކުން 13 މީހުން މަރުވެފައިވެއެވެ. އަދި 2012 ވަނަ އަހަރު ހަމަ މިފަދަ ޙާދިސާއެއްގައި 112 މީހުން ބަނީ ބަންގްލަދޭޝްގައި މަރުވެފަ އެވެ.
