ބޭނުންވާނެ ބާވަތްތައް:
4 މޭޒުމަތީ ސަމުސާ ބްރައުން ޝުގަރ
½ ސަމުސާ ފޮނިތޮށި
ތަކޫވައް ކޮޅެއް
4 ދޮންކެޔޮ، ތޮށި ނޮޅައި ދެފަޅިކޮށްފައި
1 ސައިސަމުސާ ބަނާނާ އެސެންސް
2 މޭޒުމަތީ ސަމުސާ ސިޑަރ އެޕަލް ވިނެގަރ
ވެނީލާ އައިސްކްރީމް
ތައްޔާރުކުރާނެ ގޮތް:
ފުން ތަވައެއްގައި ބަޓަރު ވިރުވާށެވެ. ބްރައުން ޝުގަރ އާއި ފޮނިތޮށްޓާއި ތަކޫވައްކޮޅު އެއްކުރުމަށްފަހު ހަކުރު ވިރެންދެން ހަލުވަމުން ކައްކާށެވެ. ދެން އޭގެ ތެރެއަށް ދޮންކެޔޮ، ބަނާނާ އެސެންސް، އަދި އެޕަލް ސިޑަރ ވިނެގަރ އަޅައިގެން ކައްކާށެވެ.
4 ތަށްޓަށް އައިސްކްރީމް އެޅުމަށްފަހު ތަވާއިން ދޮންކެޔޮ ނަގައި ކޮންމެ ތަށްޓަކަށް ދެފަޅި ދޮންކެޔޮ ލާށެވެ. ދޮންކެޔަފަޅި ބާއްވަންވާނީ އައިސްކްރީމްގެ މަތީގައެވެ. ދެން ތަވާގައި ހުރި ސޯސް އައިސްކްރީމް މައްޗަށް އޮއްސާލުމަށްފަހު ކާން ނަގާށެވެ.
