ރާއްޖޭގައި މިހާރު އޮތް ޤާނޫނީ ސަރުކާރު ވައްޓާލާއި އިންތިޤާލީ ސަރުކާރެއް ޤާއިމުކުރުމަށްކަމަށްބުނެ މަސައްކަތް ކުރަމުންދާ އިދިކޮޅު އިއްތިހާދުން ރޭ މަލޭގެ މަގުތަކުގައި މުޒާހަރާކޮށްފިއެވެ.
ރޭގެ އެއްވުން މުޒާހަރަ ފަށާފައިވަނީ އެމްޑީޕީގެ ހަރުގެ ސަރަހައްދުންނެވެ، މި އެއްވުމަކީ، ދިވެހި ސަރުކާރުގެ ތެރެއިން ހިނަގާފައިވާ ކޮރަޕްޝަނާއި ޚިޔާނާތާއި ޖަރީމާތައް ކަމަށްބުނެ އަލްޖަޒީރާއިން އާއްމުކުރި "ސްޓީލިންގ ޕެރަޑައިސް" ޑޮކިއުމަންޓްރީއާ ގުޅިގެން އެމައްސަލަތަކުގައި ތުހުމަތު ކުރެވޭ މީހުން ހައްޔަރު ކުރުމަށް ގޮވާލާ ބޭއްވި އެއްވުމެއް ކަމަށް އިދިކޮޅު އިއްތިހާދުން ބުނެއެވެ.
މިއީ އިއްތިޙާދު އުފެއްދެވުމުގައި އެންމެ އިސްދައުރެއް އަދާކުރެއްވި މޭސްތިރިޔާ ކުރީގެ ރައީސް މުޙަންމަދު ނަޝީދުގެ އެންގެވުމަކަށް ބޭއްވި މުޒާހަރާއެކެވެ. މުޒާހަރާގެ ކުރިން ނަޝީދުވަނީ ރާއްޖެ ސަލާމަތްކުރަން ޖެހޭކަމަށާ، ސަލާމަތްކުރަން މަގުތަކަށް ނުކުރުމަށް އިއްތިހާދަށް ތާޢީދުކުރާ މީހުންނަށް ގޮވާލައްވާފައެވެ.
ރޭގެ މުޒާހަރާ މަލޭގެ މަގުތަކުގައި ކުރިއަށް ގެންދިއުމަށް ފުލުހުންވަނީ އަންގާފައެވެ. އެހެންނަމަވެސް ޗާންދަނީމަގު ސީގަލް ކަންމައްޗާއި، އެސަސަރަހައްދުގެ ބައެއް މަގުތަކަށް އިދިކޮޅުމީހުންވަނީ އެއްވެ މުޒާހަރާކޮށްފައެވެ. ފުލުހުންގެ އަމުރަށް ތަވާނުވެ މުޒާހަރާކުރިއަށްގެންދަން ފެށުމުން ފުލުހުންވަނީ ބައެއްމީހުން ހައްޔަރުކޮށް މުޒާހަރާ ރޫޅާލުމުގެ މަސައްކަތްކޮށްފައެވެ.
ރޭގެ މުޒާހަރާ ނިންމާލިކަން އިދިކޮޅު އިއްތިހާދުން ހާމަކުރީ ރޭ މެންދަމު 12 ޖެހިފަހުންނެވެ.
