ޓީ.އެފް.ޖީ އިން ލ. ގަމުގައި ބާއްވާ މެރެތަން ދުވުން އިފްތިތާޙު ކޮށްދެއްވުމަށް ރައީސް އިބްރާހީމް މުޙައްމަދް ޞާލިޙް ލ. އަތޮޅަށް ފުރައިވަދައިގެންފިއެވެ. ދުވުން ރަސްމީކޮށް އިފްތިތާޙު ކޮށްދެއްވުމުގެ އިތުރުން ރައީސް މި މެރަތަންގައި ބައިވެރިވެ ވަޑައިގަންނަވާނެ ކަމަށް ރައީސް އޮފީހުން ހާމަކުރައްވައެވެ.
ހައްދުންމައްޗަށް ކުރައްވާ މި ދަތުރުފުޅުގައި ލ. ފޮނަދޫއަށާއި، ލ. ގަމަށް ޒިޔާރަތްކުރައްވައި އަތޮޅުގެ ބައެއް ރަށްރަށުގެ ކައުންސިލްތަކާއި ރައީސް ބައްދަލުކުރައްވާނެއެވެ.
މި ދަތުރުފުޅުގައި ރައީސުލްޖުމްހޫރިއްޔާގެ އަނބިކަނބަލުން ފަޒްނާ އަޙްމަދް ބައިވެރިވެ ވަޑައިގަންނަވައެވެ. ހައްދުންމައްޗަށް ކުރައްވާ ދަތުރުފުޅު ނިންމަވާލެއްވުމަށްފަހު ރައީސުލްޖުމްހޫރިއްޔާ މާލެ ވަޑައިގެންނެވުމަށް ހަމަޖެހިފައިވަނީ ހޮނިހިރު ދުވަހުގެ ވަގުތެއގައެވެ.
