ރިޔާސީ ލޯންޗް "ފިނިފެންމާ" ގައި ބޮން ގޮއްވާލި މައްސަލައާ ދަޢުވާލިބޭ އެމް.އެން.ޑީ.އެފް ގެ މާލޭ އޭރިޔާގެ ކުރީގެ ކޮމާންޑަރު ކެޕްޓަން އަހުމަދު ފަޔާޒު (ޕާޕާ) އާއި ސިފައިންގެ އިތުރު ދެ މީހަކަށް ކުރާ ދައުވާގެ ހުކުމް އިއްވުން މިއަދު ބާއްވާނެއެވެ.
އަހުމަދު ފަޔާޒްގެ މައްޗަށް ދައުވާކުރަނީ ފިނިފެންމާ ހާދިސާ ހިނގި ވަގުތު ފުލުހުންގެ ތަހުގީގަށް ލޯންޗަށް އަރަން އުޅުމުން ފަޔާޒް އެކަމަށް ހުރަސް އަޅައި އެކަން މަނާކުރި ކަމުގެ ތުހުމަތުގައެވެ. މިމައްސަލައިގެ ދައުވާލިބޭ ސިފައިންގެ އަނެއް ދެ މީހުންގެ މައްޗަށް ކުރަނީ ހެކިނައްތާލުމުގެ ތުހުމަތެވެ. އެއީ މޫސާ ޒަމީރާއި އަހުމަދު ތިހާމެވެ. މިތުހުމަތުތަކާއެކު، އެ ތިން މީހުންގެ މައްޗަށް ދައުލަތުން ދަޢުވާކުރަނީ އަދުލު އިންސާފު ގާއިމްކުރަން ހުރަސް އެޅުމުގެ ދައުވާ އެވެ.
މިއަދު މިމައްސަލައިގެ ޙުކުމް އިއްވިއްވުން ކްރިމިނަލްކޯޓުގައި ތާވަލްކޮށްފައިވާއިރު، މިމައްސަލައިގެ ޝަރުޢީ އަޑުއެހުންތައް ނިމުނީ މިދިޔަ އަންގާރަ ދުވަހުއެވެ.
