ކުރިއަށްއޮތް އަހަރަށް ކަނޑައަޅުއްވައިފައިވާ 30 ބިލިއަން ރުފިޔާގެ ބަޖެޓު، ބަޖެޓު ކޮމިޓީން ނިންމެވި ގޮތަށް ރައްޔިތުންގެ މަޖިލީހުން ދެންމެ ފާސް ކުރައްވައިފިއެވެ.
ކުރިއަށްއޮތް އަހަރަށް ކަނޑައަޅުއްވައިފައިވާ 30.2 ބިލިއަން ރުފިޔާގެ ބަޖެޓު، ބަޖެޓު ކޮމިޓީން ނިންމެވި ގޮތަށް ރައްޔިތުންގެ މަޖިލީހުން ދެންމެ ފާސް ކުރައްވައިފިއެވެ.
މި ބަޖެޓު ފާސްކުރެއްވީ ވޯޓުގައި ބައިވެރިވެ ވަޑައިގެންނެވި 73 މެމްބަރުންގެ ވޯޓާއެކުގައެވެ. މިއީ މިތާނަށް ފާސްކުރި އެންމެބޮޑު ބަޖެޓެވެ. ރައީސް އިބްރާހީމް މުޙައްމަދު ޞާލިޙުގެ ސަރުކާރުން ބޭނުންފުޅުވާ ކަންކަން ހިމަނުއްވައިފައިގެން ރައްޔިތުންގެ މަޖިލީހަށް ފިނޭންސް މިނިސްޓްރީން ފުރަތަމަ ހުށަހެޅުއްވީ 29.6 ބިލިއަން ރުފިޔާއެވެ. އެ ޢަދަދު 30.2 އަށް ބަދަލުކުރެއްވީ ކޮމިޓީ މަރުޙަލާގައި ގެންނެވި ބަދަލުތަކުންނެވެ. ކޮމިޓީ މަރުޙަލާގައި ބަޖެޓަށް އެންމެ ބޮޑު އެއްޗެއް އިތުރު ކުރައްވައިފައިވަނީ ޕީއެސްއައިޕީގެ ބަޖެޓަށެވެ. އެ ބަޖެޓަށް ވަނީ 452 މިލިއަން ރުފިޔާ އިތުރު ކުރައްވައިފައެވެ. އޭގެ އިތުރަށް ހަޔަރ އެޑިއުކޭޝަންގެ ބަޖެޓަށް 50 މިލިއަން ރުފިޔާ އިތުރު ކުރެއްވިއެވެ. ޖުޑިޝަރީގެ ބަޖެޓަށް 37 މިލިއަން ރުފިޔާއި، ރައްޔިތުންގެ މަޖިލީހުގެ އިދާރާ އަށް 31 މިލިއަން ރުފިޔާ، ފޮރިން މިނިސްޓްރީގެ ބަޖެޓަށް 25 މިލިއަން ރުފިޔާ، ފެމިލީ ޕްރޮޓެކްޝަން އެޖެންސީ އަށް ދެ މިލިއަން ރުފިޔާ، ރައީސުލްޖުމްހޫރިއްޔާ ކަންކުރައްވައިފައިވާ ބޭފުޅުންނަށް ޢިނާޔަތް ދެއްވަން 1 މިލިއަން ރުފިޔާ ވެސް ބަޖެޓަށް އިތުރު ކުރެއްވިއެވެ.
ކުރީގެ ރައީސް އަބްދުﷲ ޔާމީންގެ ސަރުކާރުގެ ފަސް އަހަރުގެ ތެރޭގައި އެންމެބޮޑު ބަޖެޓެއް ހުށަހަޅުއްވައި ފާސްކުރެއްވީ މިއަހަރަށެވެ. އެއީ 27.9 ބިލިއަން ރުފިޔާ އެވެ.
