އެނިމޭޓެޑް ޓީވީ ސިލްސިލާ، 'ސޕޮންޖްބޮބް ސްކުއެރ ޕޭންޓްސް' ގެ ކްރިއޭޓަރ ސްޓީވަން ހިލެންބަރގް މަރުވެއްޖެއެވެ. އޭނާ މަރުވިއިރު އުމުރަކީ 57 އަހަރެވެ.
މިދިޔަ އަހަރު އޭނާ ވަނީ ސިކުނޑިއާއި މައިބަދައިގެ ސެލްތަކަށް ޖެހޭ ބައްޔަކަށް ފަރުވާ ކުރަމުން އަންނަ ވާހަކަ ބުނެފައެވެ. ނިކެލޯޑިއަން ޓީވީ ނެޓްވޯކުން ނެރުނު ބަޔާނެއްގައި ހާމަކޮށްފައިވާ ގޮތުގައި އޭނާ މަރުވީ މި ބަލީގައެވެ.
ހިލެންބަރގް އަކީ މެރިން ބަޔޮލޖީ ޓީޗަރެކެވެ، އޭނާ އެންމެ ފުރަތަމަ މޫދުގައި ދިރިއުޅޭ ތަކެތި އުފައްދަން ފެށީ ކިޔަވައިދިނުމުގެ އެހީގެ ގޮތުގައެވެ.
ސްޕޮންޖްބޮބް ސްކުއެރޕޭންޓްސްގެ ފުރަތަމަ އެޕިސޯޑް ޓީވީ އިން ދުރަށް ދައްކާފައިވަނީ 1999ވަނަ އަހަރުގެ މޭ މަހުއެވެ، މި ސިލްސިލާ އަށް ތަފާތު ގިނަ އެވޯޑް ވެސް ވަނީ ލިބިފައެވެ. އަދި ފޮތާއި ހޮލީވުޑް ދެ ފިލްމާއި ބްރޯޑްވޭ މިއުޒިކަލް އެއް ވެސް އުފައްދާއފައިވެއެވެ،
