ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް، މޯލްޑިވްސް ޕޮލިސް ސަރވިސްގެ އިސް އޮފިސަރުންނާ މިއަދު ބައްދަލުކުރައްވައިފި ކަމަށް ރައީސް އޮފީހުން ވިދާޅުވެއްޖެއެވެ.
މި ބައްދަލުކުރެއްވުންއޮތީ މޯލްޑިސްވް ޕޮލިސް ސަރވިސްގެ ހެޑްކުއާޓަރުގައެވެ. މި ބައްދަލުކުރެއްވުމުގައި، ފުލުހުންގެ މުއައްސަސާ އިތުރަށް ހަރުދަނާކުރުމަށާއި އިޞްލާހުކުރުމަށް ކުރަންޖެހޭކަންކަމާބެހޭގޮތުން، ރައީސުލްޖުމްހޫރިއްޔާ މަޝްވަރާ ކުރެއްވިއެވެ.
އެމަނިކުފާނު ވިދާޅުވެފައިވަނީ ފުލުހުންގެ މުއައްސަސާއަކީ، ރައްޔިތުންނަށް ރައްކާތެރިކަން ހޯދައިދޭންޖެހޭ މުއައްސަސާއަކަށް ވާންޖެހޭނެ ކަމަށެވެ. އަދި ސިޔާސީ ނުފޫޒުން އެއްކިބާވެފައިވާ ތަނަކަށް އެތަން ހެއްދެވުމަށް ދެއްވަންޖެހޭ އެއްބާރުލެއްވުން ފުރިހަމަ ކަމާއެކު ދެއްވާނެ ކަމަށް ވެސް ވިދާޅުވިއެވެ.
މިބައްދަލު ކުރެއްވުމުގައި ހޯމް މިނިސްޓަރު ޢިމްރާން މުޙައްމަދާއި، ކޮމިޝަނަރު އޮފް ޕޮލިސް ބައިވެރިވެ ވަޑައިގެންނެވިއެވެ.
