މިހާރު ކުރިއަށްދާ ކޮޕާ އެމެރިކާގައި ރޭ ކުޅުނު މެޗުތަކުގެ ތެރެއިން ގްރޫޕު (އޭ) ގެ ކޮސްޓަރިކާއާއި ޕެރަގްއޭ ބައްދަލުކުރި މެޗު ނިމުނީ އެއްވެސް ޓީމަކަށް ލަނޑެއް ނުޖެހި 0 – 0 އިން ދެޓީމު އެއްވަރުވެގެންނެވެ.
ގްރޫބް (ބީ) އިން ހެއިޓީއާއި ޕެރޫ ބައްދަލުކުރި މެޗު 1 – 0 އިން ކާމިޔާބުކުރީ ޕެރޫ އެވެ. ޕެރޫގެ ހަމައެކަނި ލަނޑު އެޓީމަށް ކާމިޔާބުކޮށްދިނީ ޖޯސް ޕައޮލޯ ގުއެރެރޯ އެވެ. މި ގްރޫޕުން ރޭ ދެންކުޅުނީ ބްރެޒިލްއާއި އިކްއެޑޯގެ މެޗެވެ. އެމެޗު ނިމުނީ 0- 0 އިން އެއްވަރުވެގެންނެވެ.
މީގެ އިތުރުން ގްރޫޕް (ސީ) ގެ ޖެމެއިކާ އާއި ވެނެޒުއޭލާ ރޭ ބައްދަލުކުރި މެޗު 1 – 0 އިން ކާމިޔަބުކުރީ ވެނެޒުއޭލާއެވެ. އެޓީމުގެ ލަނޑު ކާމިޔަބުކޮށްދިނީ ޖޯސެޕް މާޓިނީޒް އެވެ.
މިގްރޫޕުގައި ރޭ މެކްސިކޯއާއި އުރުގުއޭ ބައްދަލުކުރި މެޗު ކާމިޔާބުކުރީ މެކްސިކޯއެވެ. 3 – 1 އިން މެކްސިކޯ މެޗު ކާމިޔާބުކުރިއިރު، އެޓީމުގެ ފުރަތަމަ ލަނޑަކީ އުރުގުއޭއަތުން ބައިކޮޅަށް ވަން ލަނޑެކެވެ. ދެވަނަ ލަނޑު ރަފޭލް މަރްގޫޒް ކާމިޔަބުކޮށްދިންއިރު، ތިންވަނަ ލަނޑު ޖެހީ ހެކްޓަރ ހެރޭރާއެވެ.
އުރުގުއޭގެ ހަމައެކަނި ލަނޑު ޖެހީ ޑިއޭގޯ ގޯޑިން އެވެ.
މިމުބާރާތުގެ ގްރޫޕް (އޭ)ގެ ޕޮއިންޓުތާވަލްގެ އެއްވަނާގައި އޮތީ 3 ޕޮއިންޓާއެކު ކޮލަމްބިއާއެވެ. ދެވަނާގައި ކޮސްޓަރިކާއާއި ޕެރަގު އޭ އޮތް އިރު މިއިން ކޮންމެ ޓީމަކަށް ލިބިފައިވަނީ އެންމެ ޕޮއިންޓެކެވެ.
ގްރޫޕް (ބީ) ގެ އެއްވަނާގައި 3 ޕޮއިންޓާއެކު ޕެރީ އޮތް އިރު، ދެވަނާގައި އޮތް ބްރެޒިލްއަށް ލިބިފައިވަނީ އެންމެ ޕޮއިންޓެކެވެ.
ގްރޫޕް (ސީ) ގެ ތާވަލްގެ އެއްވަނަ 3 ޕޮއިންޓާއެކު ލިބެނީ މެކްސިކޯއަށެވެ. ދެވަނާގައި އޮތީ ވެނެޒުއޭލާއެވެ. އެޓީމަށްވެސް 3 ޕޮއިންޓުވަނީ ލިބިފައެވެ. އެހެންނަމަވެސް އެޓީމް ދެވަނާގައި އޮތީ ގޯލްގެ ތަފާތުންނެވެ.
