ކުރިއަށް އޮތް ޔޫރޯ ފުޓްބޯޅަ މުބާރާތަށް ތައްޔާރުވުމަށް ރޭ ސްޕެއިން އާއި ދެކުނުކޮރެއާ ބައްދަލުކުރި މެޗު ފަސޭހަކަމާއެކު، ބޮޑު ތަފާތަކުން ސްޕެއިން ކާމިޔަބުކޮށްފިއެވެ.
ރޭގެ މެޗު ސްޕެއިން ކާމިޔާބުކުރީ 6-1 އިންނެވެ. މި މެޗަކީ ޔޫރޯގައި ކުޅޭ ސްޕެއިން ޓީމުގެ ފައިނަލް ސްކޮޑާ އެކު އެޤައުމު ކުޅުނު ފުރަތަމަ މެޗެވެ. މިފަހަރުގެ ޔޫރޯގައި ސްޕޭންގެ ޓީމު އޮތް ވަރުގަދަކަން ރޭވަނީ ދައްކާލާފައެވެ.
ސްޕެއިންއަށް ލަނޑުތައް ކަމިޔާބުކޮށްދިނީ އަލްވާރޯ މޮރާޓާ އާއި ނޮލީޓޯ، ޑޭވިޑް ސިލްވާ، ސެސް ފަބްރެގަސް އެވެ. ކޮރެއާގެ ހަމައެކަނި ލަނޑު ޖެހީ ސީ ޔޮން ޔޫ އެވެ.
އެންމެ ފަހުން ބޭއްވި ދެ ޔޫރޯ ފުޓްބޯޅަ މުބާރާތް ވެސް ކާމިޔާބުކުރީ ސްޕެއިނުންނެވެ.
