ގަދަވިއްސާރައާއެކު ބޯކޮށް ވާރޭވެހޭނެތީ ރާއްޖޭގެ އެންމެ ދެކުނުގެ ތިން އަތޮޅަށް ވައިޓ އެލާޓް ނެރެފިއެވެ.
މި އެލާޓް ނެރެފައިވަނީ މިމަހުގެ 28 ވަނަ ދުވަހުގެ 1:45 އިން 7:45 އާ ހަމައަށެވެ. މެޓު އޮފީހުން ވިދާޅުވީ ރާއްޖޭގެ އެކިހިސާބަށް ވިއްސާރަކުރާނެ ކަމަށާއި ބައެއް ރަށްރަށަށް ބޯކޮށްވާރޭ ވެހި ގުގުރުން އެކަށީގެންވާ ކަމަށް އޭގައިބުނެފައިވެއެވެ.
އުތުރު އަތޮޅުތަކަށް އިރާއި އިރުދެކުނުން ގަޑިއަކު 3 މޭލާ 13 މޭލު ދެމެދުގެ ބާރުމިނުގައި، ވައިޖެހޭނެ ކަމަށައޮ ދެކުނުގެ އަތޮޅުތަކަށް ހުޅަގުދެކުނާއި ހުޅަގުން ގަޑިއަކު 7 މޭލާ 17 މޭލު ދެމެދުގެ ބާރުމިނުގައި ވައިޖެހޭނެ ކަމަށް ވެސް ބުނެފައިވެއެވެ. އަދި ކެރިގަނޑުގައި ގަޑިއަކު ގާތްގަނޑަކަށް 35 މޭލު ބާރުމިނަށް ވައިގަދަވުން އެކަށީގެންވާ ކަމަށް މެޓު އޮފީހުންވަނީ ވިދާޅުވެފައެވެ.
އުތުރުއަތޮޅުތަކުގެ ކަނޑުތައް އާދައިގެވަރަކަށް މަޑުވާނެ ކަމަށާއި މެދުތެރެއާއި ދެކުނު އަތޮޅުތަކުގެ ކަނޑުތައް އާދައިގެވަރަކަށް ގަދަވާނެ ކަމަށްވެސް ވިދާޅުވެފައިވެއެވެ. ބޯކޮށް ވާރޭވެހިދާނޭކަމަށް ލަފާޚުރެވޭތީ މޫސުމަށް ސަމާލުވުމަކީ އެދެވިގެންވާކަމެއް ކަމަށް ވެސް މެޓުން ވަނީ ވިދާޅުވެފައެވެ.
