2:42 އިންތިޚާބު ބާތިލްކުރާނެ ތަނެއްނެތް ކަމަށް ސްޕްރީމްކޯޓުން ނިންމެވުމުން ކޯލިޝަންގެ ސަޕޯޓަރުން ގެންދަނީ އުފާފާޅު ކުރަމުން.
2:39 ސްޕްރީމްކޯޓުން ނިންމެވި ނިންމެވުމުގައި ވިދާޅުވެފައިވަނީ އިންތިޚާބު ބާތިލްކުރަންޖެހޭ އެއްވެސް އަސާސެއްނެތް ކަމަށް.
2:38 ހުސްވި ސެޕްޓެމްބަރ 23 ގައި ރާއްޖޭގައި ބޭއްވި ރިޔާސީ އިންތިޚާބު ބާތިލް ކުރައްޖެހޭ ސަބަބެއްނެތް ކަމަށް ނިންމަވައި ސްޕްރީމް ކޯޓުން ހުކުމް ކުރައްވައިފި. މި ހުކުމް ކުރެއްވީ ސްޕްރީމްކޯޓުގެ ފަސް ފަނޑިޔާރުންގެ އިއްތިފާގުން.
1:50 އެމްޑީޕީގެ ޗެއާޕާސަންގެ ނާއިބު އިދާރީ އަލީ ނިޔާޒު: ރައްޔިތުން ނިންމައިފައިވާގޮތް ސްޕްރީމްކޯޓުން ބަދަލު ނުކުރާނެކަން އަޅުގަނޑަށް ޔަގީން.
1:47 ސްޕްރީމް ކޯޓު ކައިރިއަށް އެއްވެފައިވާ މީހުން ރައީސް ޔާމީންގެ އިސްތިއުފާއަށް ގޮވަނީ. އެއްވެފައިވާ މީހުން ކޮންޓްރޯލް ކުރުމަށް ފުލުހުން ގެންދަނީ މަސައްކަތް ކުރަންމުން.
1:35 އިންތިޚާބު ބާތިލް ކުރުމަށް ހުށަހަޅައިފައިވާ މައްސަލައިގެ އަޑު އެހުން ފަށައިފި
ހުސްވި ސެޕްޓެމްބަރ 23 ގައި ރާއްޖޭގައި ބޭއްވި ރިޔާސީ އިންތިޚާބު ބާތިލް ކޮށްދެއްވުމަށް އެދި ޕީޕީއެމްގެ ރިޔާސީ ކެންޑިޑޭޓް ރައީސް އަބްދުﷲ ޔާމީން އަބްދުލްގައްޔޫމްގެ ފަރާތްޕުޅުން ސްޕްރީމް ކޯޓަށް ހުށަހެޅި މައްސަލައަށް މިއަދު ގޮތެއް ނިންމަވާނެއެވެ.
މި މައްސަލައިގެ ތިން އަޑުއެހުން ބޭއްވުމަށްފަހު މިއަދަކީ ހުކުމް އިއްވާ ދުވަހެއެވެ. މިހާރުވަނީ މިމައްސަލައާ ގުޅުންހުރި ފަރާތްތަކާއި މައްސަލައަށް ތަދައްޚުލު ވެފައިވާ ފަރާތްތައް ކޯޓަށް ވަދެފައި ކަމަށް މައުލޫމާތު ލިބެއެވެ.
