ސުޕެނިޝް ލީގުގައި ރޭ ގުރެނާޑާއާ ދެކޮޅަށް ކުޅުނުމެޗު ކާމިޔާބުކޮށްގެން އަނެއްކާވެސް ސްޕެނިޝްލީގުގެ ޗެމްޕިއަންކަން ބާސެލޯނާ ހޯދައިފިއެވެ.
ގްރެނާޑާގެ އަމިއްލަދަނޑުގައި ކުޅުނު ރޭގެ މެޗަކީ މިސީޒަނުގެ ސްޕެނިޝް ލީގުގައި ބާސާގެ އެންމެފަހުމެޗެވެ. ގްރެނާޑާގެ މައްޗަށް ބާސާއިން ރޭ ކުރިހީދީ 3 – 0 އިންނެވެ. ރޭގެ މެޗުގެ ތިންލަނޑު ބާސާއަށް ކާމިޔާބުކޮށްދީ ހެޓްރިކްހަދާފައިވަނީ ލުއިސް ސުއަރޭޒްއެވެ. މެޗުގެ ފުރަތަމަ ލަނޑު އޭނާޖެހީ 22 ވަމަ މިނެޓުގައެވެ. ދެވަނަ ލަނޑު 38 ވަނަ މިނެޓުގައި ޖެހިއިރު، ތިންވަނަ ލަނޑު ޖަހާފައިވަނީ 86 ވަނަ މިނެޓުގައެވެ.
ރޭ ސުއަރޭޒް ކާމިޔާބު ކުރި ހެޓްރިކާއި އެކު އޭނާ މި ސީޒނުގައި ބާސާ އަށް ކާމިޔާބުކޮށްދިން ލަނޑުގެ ޢަދަދު 40 އަށްވަނީ އަރާފައެވެ.
މި މޮޅާއެކު ކުޅުނު 38 މެޗުން ބާސާއަށްވަނީ 91 ޕޮއިންޓް ލިބިފައެވެ. އެންމެ ޕޮއިންޓެއްގެ ތަފާތުން 90 ޕޮއިންޓާއި އެކު ތާވަލްގެ ދެވަނާގައި އޮތީ ރެއާލް މެޑްރިޑެވެ.
މިއީ ބާސެލޯނާ ސްޕެނިޝްލީގު ކާމިޔާބުކުރި 24 ވަނަ ފަހަރެވެ.
