ސްޕެނިޝްލީގްގައި ރޭ ގެޓާފޭ އާއި ރެއާލް މެދްރިދް ބައްދަލުކުރިމެޗް ރެއާލް ކާމިޔާބުކޮށް ތާވަލްގެ އެއްވަނަ ހޯދުމުގެ އުއްމީދު އާކޮށްފިއެވެ.
ގެޓާފޭގެ ދަނޑުގައި ކުޅުނު މިމެޗް ރެއާލް ކާމިޔާބުކުރީ ފަހެއް އެކެއްގެ ނަތީޖާއަކުންނެވެ. މެޗްގައި ރެއާލްއިން ޖެހި ފުރަތަމަ ލަނޑު އެޓީމަށް ކާމިޔާބުކޮށްދިނީ ކަރީމް ބެންޒެމާއެވެ. ރެއާލްގެ ދެވަނަ ލަނޑު އިސްކޯ ކާމިޔާބުކޮށްދިން އިރު، ތިންވަނަ ލަނޑު ކާމިޔާބުކޮށްދިނީ ގެރެތް ބޭލްއެވެ. ރެއާލްގެ ހަތަރުވަނަ ލަނޑާއި ފަސްވަނަ ލަނޑު ކާމިޔާބުކޮށްދިނީ ހަމޭސް ރޮޑްރީގޭޒް އަދި ކްރިސްޓިއާނޯ ރޮނާލްޑޯއެވެ.
