ކުރިޔަށް އޮތް ރިޔާސީ އިންތިޚާބުގެ ކެމްޕޭނާބެހޭ ބައްދަލުވުމެއް އަވައްޓެރި ސްރީލަންކާގައި އެމްޑީޕީން ބާއްވައިފިއެވެ.
އެމްޑީޕީން ބޭއްވި މިބައްދަލުވުމުގައި އިސްކޮށް ހުންނެވީ ކުރީގެ ރައީސް މުޙަންމަދު ނަޝީދެވެ. މީގެއިތުރުން ބައްދަލުވުމުގައި އިސްކޮށް ދެން ތިއްބެވީ އެމްޑީޕީގެ ޗެއާޕާސަން ހަސަން ލަތީފާއި އެޕާޓީގެ ނައިބު ރައީސް ޝިފާގުގެ އިތުރުން ނަޝީދު އިންތިޚާބުގައި ވާދަކުރައްވަން އުޅުއްވިއިރު އެމަނިކުފާނުގެ ކެމްޕޭނު މެނޭޖަރަކަށް ހުންނެވި މެމްބަރު އަސްލަމެވެ.
މިބައްދަލުވުމުގައި ނިންމީ ކޮންކަމެއް ކަމެއް ސާފެއްނުވެއެވެ. ނަމަވެސް ބޮޑަށް ވާހަކަ ދެކެވުނީ ލަންކާގައި ކެމްޕޭން ކުރިޔަށް ގެންދާނެ ގޮތަކާމެދު ކަމަށް މައުލޫމާތު ލިބިފައިވެއެވެ. އިންތިޚާބުގައި ރިޔާސީ ކެންޑިޑޭޓަކީ އެމްޑީޕީގެ ކެންޑިޑޭޓް އިބްރާހިމް މުޙަންމަދު ސޯލިޙް (އިބޫ) އެވެ.
