ދުނިޔޭގެ ތަށްޓަށް ކުޅޭ ފުޓުބޯޅަ މުބާރާތަށް ދުނިޔޭގެ އެކިކަންކޮޅު ތަކުން ރަޝިއާއަށް މީހުން ދަތުރު ކުރަމުން ދަނިކޮށް މުބާރާތަށް ހަމަލާދޭނެ ކަމަށް ބުނެ އައިސިސް އިން ބުދަ ދުވަހު ވީޑިއޯ އެއް އާއްމު ކޮށްފިއެވެ.
މެދުއިރުމަޓިގެ ރިސާޗް އިންސްޓިޓިއުޓެއް ކަމަށްވާ އެމްއީއެމްއާރްއައި އާ ހަވާދީ މީޑިއާ ރިޕޯޓްތައް ބުނާ ގޮތުން ބުދަ ދުވަހު އާއްމުކުރި ވީޑިއޯ އިން ފެންނަނީ ސޯޗްގައި އޮންނަ އޮލިމްޕިކް ވިލެޖުގެ މަތިން އައިސިސްގެ ދިދަ ޖަހާފައިވާ ޑްރޯނެއް ދަތުރު ކުރަމުންދާ ވަގުތު ސްޓޭޑިއަމާއި އެހެނިހެން އިމާރާތްތަކުގައި އަލިފާން ރޯވާ މަންޒަރެވެ. އެމްއީއެމްއާރްއައި އިން ހާމަކޮށްފައިވާ ގޮތުގައި ހަތަރު މިނިޓުގެ ވީޑިއޯ ފުޓޭޖު ރިލީޒްކޮށްފައިވަނީ ޖިހާދީންގެ ސަރަހައްދެއް ކަމުގައިވާ ކޯކޭސަސްގައި ހުންނަ އައިސިސްގެ ގޮތްޕަކުންނެވެ. މި ފުޓޭޖު ރިލީޒްކޮށްފައިވަނީ އަލް އަދިޔާތުގައި ހުންނަ އައިސިސް އަށް ތާއީދުކުރާ މީޑިއާ އައުޓްލެޓަކުންނެވެ.
ވީޑިއޯ ފުޓޭޖުން ފެންނަ އެކަކު ބުނާގޮތުން އެމީހުން އެ ސިޓީގައި ހަރަކާތްތެރިވާ ކަމެއް އެ މީޙުންގެ އާއިލާއަށްވެސް ރައްޓެހިންނަށް ވެސް ނޭނގޭނެއެވެ. އަދި ﷲގެ އިރާދަފުޅުން ހުރިހާ އެންމެނގެ ހަރަކާތްތަށޤ ވަރަށޤ ރަނގަޅަށް އެނގޭކަމަށްވެސް އެމީހާ ބުނެއެވެ. އެވަގުތަށް އިންތިޒާރު ކުރުމަށާއި އެބައެއްގެ އަމިއްލާ ކާރާއި ގެއަށް ސަމާޅުވުމު=ަށް އެމީހާ އިންޒާރު ދެއެވެ. އަދި އެމީޙުން އަތުލައިގަންނާނެ ކަމަށް އޭނާ ބުނެއެވެ.
މި ފުޓޭޖުން ފެންނަ ދެވަނަ މީހާ އިންޒާރު ދިނީ ރަޝިއާގެ ސިފައިންނަށެވެ. ވަޅި ތޫނުކޮށްގެން ހަމަލާއަށް ތައްޔާރު ވެފައިވާ ކަމަށް އޭނާ އިންޒާރު ދެއެވެ. އެމީހާ ދެން އިނޒާރު ދެނީ އެގައުމުގެ ރައްޔިތުންނަށެވެ. ޕުޓިން އެމީހުންނާ ދެކޮޅަށް ހަނގުރާމަ ފަށަފައިވާ ކަމަށައި ނަމަވެސް އޭގެ އަގު ދައްކަން ޖެހޭނީ ރައްޔިތުން ކަމަށް އޭނާ ބުނެއެވެ. އަދި އެންމެން މަރާލާނެ ކަމަށައި އަނބިން ރަހީނު ކުރާނެ ކަމަށައި ދަރީން އަޅުވެތިކުރާނެ ކަމުގެ އިންޒާރު ދެއެވެ.
ރަޝިއާގެ ރަޢިސް ވްލަޑިމިއާ ޕުޓިން އާ މުޚާޓަބުކޮށް ވީޑިއޯގައި އެމަނިކުފާނު އަންދާލާނެ ކަމުގެ އިންޒާރުވެސް މިވީޑިއޯ ފުޓޭޖުގައި ދީފައިވެއެވެ.
މީގެ ކުރީންވެސް ބިރުދައްކައި ވިޑިއޯ އެއް ނެރެފައިވެއެވެ. އެވީޑިއޯގައި ފުޓުބޯޅައިގެ ތަރީން ކަމުގައިވާ މެސީ އާއި ނޭމާ ދައްކައެވެ.
ވޯލްޑް ކަޕް ކުޅޭ ސިތީ ތަކުގެ ސަލާމަތީ ކަންކަން ބެލެހެއްޓުމަށް ރަޝިއާގެ ފުލުހުން ވަނީ 33 ގައުމެއްގެ ފުލުހުންނާ ގުޅިފައެވެ. އަދި ސަޕޯޓަރުންގެ ފަރާތުން ހިންގަފާނެ ހަމަނުޖެހުމަކަށްވެސް ރަޝިއާ ސިފައިން ތައްޔާރަށް ތިބިކަމަށް ޚަބަރުތައް ބުނެއެވެ.
