ފުލުހުގެ ބެލުމުގެ ދަށުގައި މިހާރުހުރި އަންހެނަކަށް އިހުތިރާމް ކުޑަކޮށް ފުލުހުން އަމަލުކުރަމުންދާ ކަމަށް ދެކެވޭ ވާހަކަތައް ފުލުހުން ދޮގުކޮށްފިއެވެ.
އެކަމާ ގުޅިގެން ފުލުހުންގެ ތަރުޖަމާނު އަހުމަދު ޝިފާން ވިދާޅުވެފައިވަނީ އެވާހަކަތަކަކީ ދޮގެއް ކަމަށެވެ. އެފަދަ އެއްވެސް އަމަލެއް ފުލުހުން ކޮށްފައިނުވާނެ ކަމުގެ ޔަގީންކަން ދެއްވާ ކަމަށްވެސް އޭނާ ވިދާޅުވިއެވެ.
"ފުލުހުންގެ ބަންދުގައިވާ އެއްވެސް ފަރާތެއްގެ ހައްގަކަށް އުނިކަންލިބޭނެ ފަދަ ނުވަތަ އިންސާނީ ކަރާމާތަށް އިހުތިރާމް ގެއްލޭފަދަ އެއްވެސް އަމަލެއް ފުލުހުން ހިންގާފައި ނުވާނޭކަން ޔަގީން ކޮދެން،" ފުލުހުން ވިދާޅުވެފައިވެއެވެ.
ފުލުހުންގެ ބަންދުގައި ތިބި މީހުންނަށް ލިބެންވާ އިންސާނީ ހައްގުތަކާއި އެހެނިހެން ކަންކަން ގާނޫނާ އެއްގޮތަށް ކަންކަން ކުރައްވަމުން ނުދާކަމަށް ގާނޫނީ ވަކީލުން ގެންދަވަނީ ވިދާޅުވަމުންނެވެ.
