ސްޕެޝަލް އޮޕަރޭޝަން (އެސްއޯ) ފުލުހުން މ. ކުނޫޒަށްވަދެ ޕެޕަރސްޕްރޭ ޖެހުމުގެ ސަބަބުން ގިނަ އަދަދެއްގެ މީހުންނަށް ގެއްލުންވެއްޖެއެވެ.
ފުލުހުން ކުއްލިގޮތަކަށް އެތަނަށްވަދެ ޕެޕަސްޕްރޭ ޖެހި ސަބަބެއް އެނގިފައެއް ނުވެއެވެ. ފުލުހުން ޕެޕަރސްޕްރޭ ޖެހިއިރު ބައެއް ނޫސްވެރިންތިބީ މަޖިލިސް މެންބަރަކާ އިންޓަރިވިއުއެއް ކުރާށެވެ.
ޕެޕާސްޕްރޭ ޖެހުމުން ގެއްލުވީ ކިތައް މީހުންނަށް ކަމެއް އެނގިފައެއް ނުވެއެވެ. އެހެންނަމަވެސް ބައެއް މީހުން ހޮސްޕިޓަލަށް ގެންގޮސްފައިވެއެވެ. ފުލުހުންގެ އަމަލު މިގޮތަށް ހުރުމުން ބައެއް ފަރާތްތަކުން ގެންދަނީ ފުލުހުންނަށް ފާޑުކިޔަމުންނެވެ. ބައެއް މީހުން ބުނަމުން ގެންދަނީ ފުލުހުން ގެންދަނީ ސިޔާސީ އެއްވުންތައް ބާއްވާ ބައެއް މީހުންނަށް ހިމާޔަތްދީ އަނެއް ބަޔަކަށް ހިމާޔަތް ދިނުމަށް އުޒުރުވެރިވަމުން ކަމަށެވެ.
