ޒުވާން ނޫސްވެރިޔާ އަޙްމަދު ސާއިލް ޢަލީ ލިޔުއްވާފައިވާ "އެ ދުވަސް ގެނެވޭނެ" ފޮތް މިއަދު ނެރެފިއެވެ. ފޮތް ނެރުމަށްޓަކައި ގައުމީ ކުތުބުޚާނާގައި މިއަދު ހަވީރު ބޭއްވި ރަސްމިއްޔާތެއްގައި ފޮތް ނެރެދެއްވީ ކުރީގެ ޖެންޑަރ މިނިސްޓަރު އަނީސާ އަޙްމަދެވެ.
މި ފޮތަކީ ނަފްސާނީ ބަލިތަކުގެ މައްޗަށް ލިޔެފައިވާ ފޮތެކެވެ. ފޮތުގައި ސާއިލް ބައްލަވައިލައްވާފައި ވަނީ ކުޑައިރުއްސުރެ އޭނާއަށް ކުރިމަތިލައްވާން ޖެހިވަޑައިގަތް ނަފްސާނީ މައްސަލަތަކުގެ މައްޗަށެވެ. އަދި އެ މައްސަލަތަކުން ސަލާމަތްވެވަޑައިގެން އާދައިގެ ދިރިއުޅުއްވަކަށް ވަޑައިގަތް ގޮތުގެ މައްޗަށެވެ. މީގެ އިތުރަށް އެކި ބާވަތުގެ ނަފްސާނީ ބަލިތަކަކީ ކޮބައިކަންވެސް ވަރަށް ރީތިކޮށް މި ފޮތުގައި ވިދާޅުވެދެއްވާފައި ވެއެވެ.
މި ފޮތް މިހާރު ރާދަ ބުކްޝޮޕުން ވިއްކަން ފަށަފައިވާ ކަމަށް ސާއިލް ވިދާޅުވިއެވެ.
