މެދުތެރޭ އެފްރިކާގެ ގައުމެއް ކަމަށްވާ އެކުއެޓޯރިއަލް ގިނީގެ އެންމެ ބޮޑު ރަށް ބާޓާގައި ބާރުގަަދަ ގޮވުންތަކެއް ގޮވައި، މަދުވެގެން 20 މީހުން މަރުވެ،500 އަށްވުރެ ގިނަ މީހުން ޒަޚަމްވެއްޖެއެވެ.
ގިނިގެ އެންެމެ ބޮޑު ބަނދަރު ބާޓާގައި އޮންނަ އިންކޯޓާމާ އަސްކަރީ މަރުކަޒުގައި ކައިރި ކަައިރީގައި އިއްޔެ މެންދުރު ފަހު 2 ޖެހިއިރު (ރާއްޖޭ ގަޑިން ހަވީރު 6 ޖެހިއިރު) ބާރުގަދަ ފަސް ގޮވުން ގޮވާފައި ވެއެވެ. މި ގޮވުންތަކާ ގުޅެގިން ގައުމީ ޓީވީ، ޓީީވީޖީއީ މެދުވެރިކުރައްވައި ގައުމާ މުޚާޠަބުުކުރައްވަމުން ރައީސު ޓެއޮޑޯރޯ އޮބްލާންގް ވިދާޅުވީ މި ގޮވުންތައް ގޮވާފައި ވަނީ "ޑައިނަމައިޓާއި ގޮވާތަކެެތި ރައްކާކުރުމާ ހަަވާލުވެފައި އޮތް ޔުނިޓުގެ އިހުމާލާއި ފަރުވާކުޑަކަމުން"ނެވެ.
ބައެއް ޚަބަރުތައް ބުނާގޮތުގައި ޑައިނަމައިޓުތައް ގޮަވަން ދިމާވީ އަސްކަރީ މަރުކަޒުގެ ވަަށައިގެންވާ ދަނޑުތައް އެންމެދުމުގެ ސަބަބުން އެތަނުގައި ހޫނުގަދަވެ ޑައިނަމައިޓްގައި ހުޅުރޯވެގެންނެވެ.
ބަޑިބޭހުގެ ވިހަ ދުމުގެ އަސަރުން މީހުން ސަލާމަތްކުރުމަށް ގޮވި އަސްކަރީ މަރުކަަޒުގެ ވަށައިގެން 4 ކިލޯމީޓަރުގެ ސަރަހައްދަކުން މީހުން ހުސްކުރަމުން ދާއިރު، އެ ސަރަހައްދު ފެންނަނީ ބޮޑު މުސީބާތެއް ކުރިމަތިވެފައިވާ ސަރަހައްދެެއްެގެ ގޮތުގައެވެ.
ބާޓާގެ ގިނަ ގެތަކެއް ވެއްޓި، ބައެއް ގެތަކުގެ ފުރާޅު އެއްލާލާފައި ވާއިރު، ރައީސު އޮބްލާންގް ވަނީ ބައިނަލްއަގުވާމީ އެހީއަށް އެދިވަޑައިގެންފައެވެ.
"ލިިބިފައިވާ ގެއްލުމުގެ ބޮޑުކަމަށް ބަަލައި،،،، މި އުނދަގޫ ދަނޑިވަޅުގައި އެކުއެޓޯރިއަލް ގިނީއަށް އެހީތެރިވުމަށް ބައިނަލްއަގުވާމީ މުޖުތަމައަށާއި، ގައުމުގައި ތިބި ހެޔޮއެދޭ ފަރާތްތަކަށް އަހަރެން އިލްތިމާސްކުރަން. މިކަން މި ދިމާވީ ކޮވިޑް-19 އާ ގުޅިގެން ތެޔޮ އެކްސްޕޯޓުކުރުން ދަށްެވެ، އިގްތިސާދީ ދަތިތައް ކުރިމަތިވެފައިވާ ވަގުތެއްގައި."
ނިސްބަތުން ކުޑަ، 1.4 މިލިއަން މީހުންގެ އާބާދީއެއް އޮންނަ އެކުއެޓޯރިއަލް ގިނީއަކީ ތެލުގެ މުއްސަނދިކަން ލިބިފައިވާ ގައުމަކަށް ވިޔަސް، ގައުމުގެ އާބާދީގެ ގިނަ ބަޔަކު އުޅެމުން ދަނީ ފަގީރު ހާލުގައެވެ.
