ޑްރަގް ކޯޓްގެ ގާޒީ އާދަމް އާރިފްގެ ސުލޫކީ މައްސަލައެއް ސާބިތު ނުވާ ކަމަށް ޖުޑިޝަލް ސާވިސް ކޮމިޝަން (ޖޭއެސްސީ)އިން ނިންމައިފި އެވެ.
ޖޭއެސްސީއިން ނެރުނު ބަޔާނެއްގައި ބުނީ އެ ކޮމިޝަނުން އިސްނަގައިގެން ބެލި ގާޒީ އާދަމް އާރިފްގެ ސުލޫކީ މައްސަލައެއް ސާބިތު ނުވާ ކަމަށް ނިންމާފައިވާ ކަމަށެވެ. ނަމަވެސް އެއީ ކޮން މައްސަލައެއްކަމެއް ޖޭއެސްސީއިން ހާމައެއް ނުކުރެއެވެ.
ޖޭއެސްސީގެ ބަޔާނުގައި ވަނީ ގާޒީ އާދަމް އާރިފްގެ ސުލޫކީ މައްސަލައަކީ 24 އޭޕްރިލް 2019ގައި ތަހުގީގުކުރަން ނިންމައިފައވާ މައްސަލައެއްކަމަށެވެ. އެ މައްސަލަ ސާބިތު ނުވާ ކަމަށް ނިންމީ އިއްޔެ ބޭއްވި އެ ކޮމިޝަނުގެ 87 ވަނަ ބައްދަލުވުމުގައެވެ.
ގާޒީ އާދަމް އާރިފް ކުރިން ހުންނެވީ ކްރިމިނަލް ކޯޓްގެ އިސް ގާޒީއަކަށެވެ. ޑްރަގް ކޯޓަށް ބަދަލު ކުރީ މިދިޔަ އަހަރުގެ ފެބްރުއަރީ މަހުގެ ތެރޭގަ އެވެ. ގާޒީ އާރިފް ކްރިމިނަލް ކޯޓުގެ އިސް ގާޒީއަކަށް އައްޔަންކުރީ، އެކޯޓުގެ ކުރީގެ އިސް ގާޒީ އަބްދުލްބާރީ ޔޫސުފް އެހެން ކޯޓަކަށް ބަދަލުކުރުމުންނެވެ.
