ކުރަމަތި ރިސޯޓުން ކޮވިޑް 19އަށް ޓެސްޓްކުރި 2 ބިދޭސީއެއްގެ ސާމްޕަލް ވަނީ ޕޮޒިޓިވް ވެފައި ކަމަށް ހެލްތު ޕްރޮޓެކްޝަންސް އެޖެންސީ (އެޗުޕީއޭ) އިން ވިދާޅުވެއްޖެއެވެ.
އެރަށުގައި މިހާރުދަނީ ކޮންޓެކްޓް ޓްރޭސިންގ ގެ މަސައްކަތްތައް ކުރަމުންނެވެ. އެހެންވެ އެރަށަށް އަރައިފޭބުން އަދިވެސް އޮތީ ހުއްޓާލައިފައި ކަމަށް އެޗުޕީއޭއިން ވިދާޅުވިއެވެ.
މި ދެމީހުން ކޮވިޑް 19 އަށް ޕޮޒިޓިވްވުމުން ރާއްޖޭގައި މިހާރުވަނީ އެއްބައްޔަށް ޕޮޒިޓިވްވި މީހުންގެ އަދަދު 8 އަށް އަރައިފައެވެ. ޕޮޒިޓިވް މީހުންގެ މީހާރުގެ ހާލަތަށް ބަލާއިރު އެންމެންގެ ހާލުވެސް ރަނގަޅު ކަމަށް އެޗުޕީއޭއިން ވަނީ ވިދާޅުވިއެވެ.
