އައްޑޫ ސިޓީ ފޭދޫ ގަރާޖެއްގައި މަސައްކަތް ކުރަމުން ގެންދާ ލަންކާ ރައްޔިތެއް ކަމަށްވާ މަހޭޝް މިއަދު އިސްލާމް ދީން ޤަބޫލުކޮށްފިއެވެ.
ކުރިން ބުޑިސްޓެއްގެ ގޮތުގައިހުރި މަހޭޝް އިސްލާމްދީން ޤަބޫލޫކުރިކަން އިޢުލާން ކޮށްފައިވަނީ މިއަދު ޢަސްރު ނަމާދަށްފަހު ފޭދޫ މަސްޖިދުއް ނަސްރުގައި ކަމަށް އޮންލައިން ނޫސް "މިހާރު"ގައި ބުނެފައިވެއެވެ. އޭނާއަށް ޝަހާދަތް ލައިދެއްވީ އައްޝައިޚް އަޙުމަދު އަނީލެވެ.
އެމީހާ ފޭދޫ ގަރާޖެއްގައި މަސައްކަތް ކުރަން ފެށީ މީގެ ތިންމަހެއްހާ ދުވަސްކުރިން ކަމަށް ވެސް އެނޫހުގައި ބުނެފައިވެއެވެ. އޭނާއަކީ 38 އަހަރުގެ ފުރިހެނެކެވެ. އިސްލާމް ދީން ޤަބޫލުކުރީ އަމިއްލައަށް ފެނިގެން އަމިއްލަ އިޚްތިޔާރުގައި ކަމަށް އޭނާ ބުނެފައިވެއެވެ. އެކަމުގައި އޭނާގެ އަންހެނުންގެ ސަޕޯޓު ވެސް އެބައޮތް ކަމަށް އޭނާ ބުނެފައިވެއެވެ. އޭނާގެ އަންހެނުން ދިރިއުޅެނީ ލަންކާގައެވެ.
އިސްލާމްދީން ޤަބޫލު ކުރުމަށްފަހު އޭނާއަށް އަދި އިސްލާމީ ނަމެއް ނުކިޔައެވެ. އޭނާގެ އަންހެނުން ރީތި ނަމެއް ކިޔާނެ ކަމަށް އޭނާ ބުނި ކަމަށް މިހާރުގައި ބުނެފައިވެއެވެ.
