ފްރާންސްގައި ކުރިއަށްދިޔަ ޔޫރޯ ފުޓްބޯޅަ މުބާރާތް ކާމިޔާބުކޮށް ފުރަތަމަ ޔޫރޯގެ ކާމިޔާބާއެކު ޕޯޗުގަލް ތާރީޚުގެތެރެއަށް ވަދެއްޖެއެވެ.
ފޯޗުގަލް މިމުބާރާތް ކާމިޔާބުކުރީ މުބާރާތް ބޭއްވި ޤައުމުކަމަށްވާ ފްރާންސް ބަލޮކޮށްގެނެވެ. ރޭ ފްރާންސް އާއި ދެކޮޅަށް ކުޅުނުމެޗް 1 – 0 ގެ ނަތީޖާއަކުން ޕޯޗުގަލް ކާމިޔާބުކުރީ އިތުރުވަގުތުގެ ދެވަނަ ހާފްގައި ޕޯޗްގަލްގެ އެޑާ ކާމިޔާބުކުރި ލަނޑުންނެވެ.
ރޭގެ މެޗްގެ ވަރަށްކުރީކޮޅު ޕޯޗްގަލްގެ ކެޕްޓަން ކްރިސްޓިއާނޯ ރޮނާލްޑޯއަށް އަނިޔާވުމާއި ގުޅިގެން މެޗްގެ ބޮޑުބައި އެޓީމުން ކުޅުނީ އޭނާއާ ނުލައެވެ.
ޕޯޗުގަލް އެންމެ ފުރަތަމަ ޔޫރޯ އަކަށް ކޮލިފައިވެފައިވަނީ 1984 ވަނަ އަހަރު އެވެ. އެފަހަރުގެ ޔޫރޯ ވެސް އޮތީ ފްރާންސްގައެވެ. ފްރާންސުން ޗެމްޕިއަންކަން ހޯދި އެ މުބާރާތުގައި ޕޯޗުގަލްއަށް ލިބުނީ ތިން ވަނައެވެ. 2004 ވަނަ އަހަރުގެ ޔޫރީގައި ޕޯޗުގަލް އަމިއްލަ ގައުމުގައި ފައިނަލުގައި ގްރީސް އަތުން ބަލިވި ވަލިވުމަކީ އެޤައުމަށް ފުޓުބޯޅައިގައި ލިބުނު އެންމެ ހިތްދަތި ނަތީޖާކަމަށް ސަޕޯޓަރުން ދެކެއެވެ.
މިފަހަރުގެ ޔޫރޯ ފުޓްބޯޅަ މުބާރާތުގެ ރަންބޫޓް ހޯދީ ފްރާންސްގެ ގްރިޒްމަން އެވެ. އެންމެ މޮޅު ޒުވާން ކުޅުންތެރިއާގެ މަޤާމް ހޯދީ ޕޯޗްގަލްގެ ސަންޗޭޒް އެވެ.
