އިލެކްޝަނުން ވަގުތީ ނަތީޖާ އިއުލާން ކުރައްވަން ފަށްޓަވައިފި
00:56
ޝަރީފް: ވަރަށް އަވަހަށް ވަގުތީ ނަތީޖާ އިއުލާން ކުރަން ފަށާނަން. އަދި ގާނޫނުގައި ބުނެފައިވާ ގޮތަށް 7 ދުވަސްތެރޭގައި ދާއިމީ ނަތީޖާ އިއުލާން ކުރާނަން. އެގޮތުން އާދީއްތަ ދުވަހު ނަތީޖާ އިއުލާން ކުރެވޭނެ. އިންތިޚާބުގެ ހުރިކާމެއް ގާނޫނުގައި ބުނެފައިވާ ވަގުތަށް ނިމިގެންދިޔަ. މިއީ ރެކޯޑު އަދަދަކަށް އޮބްޒާވަރުން ބައިވެރިވި. އެއްވެސް މަރުހަލާއެއްގައި އެއްވެސް ހަމަނުޖެހެމެއް ހިނގި ކަމުގެ ރިޕޯޓެއް ލިބިފައެއް ނުވޭ.
00:52
އިލެކްޝަންސް ކޮމިޝަނުގެ ރައީސް އަހުމަދު ޝަރީފް ވާހަކަ ދައްކަވަނީ. އެންމެ ދެ ޝަކުވާ ފިޔަވައި އިތުރު ޝަކުވާއެއް އިންތިޚާބު ކުރިއަށް ދިޔައިރު ނާދޭ. މިހާ ބޮޑު އިންތިޚާބެއް އަމާން އަދި އޮމާންކަމާއެކު ކުރިއަށް ގެންދެވުނީ އޮފިޝަލުންނާއި، އޮބްޒާވަރުންގެ ވަރަށް ބޮޑު އެހީތެރިކަމާއެކު. . އަދި އިންތިޚާބުގައި ވާދަ ކުރެއްވި ބޭފުޅުންނަށް ވެސް ޝުކުރު ދަންނަވަން.
00:7
އިބޫ: ވެރިކަމުގެ ބާރުތައް ގާނޫނާ އެއްގޮތްވާ ގޮތުގެ މަތިން ހަވާލު ކުރެއްވުމުގެ މަސައްކަތް ފެއްޓެވުމަށް ރައީސް ޔާމީނަށް ގޮވާލަން. އަދި ގާނޫނާ ޚިލާފަށް ބަންދުކޮށްފައި ތިބި މީހުން ދޫކޮށްލުމަށްވެސް ގޮވާލަން.
00:03
އިބޫ:މިވަގުތަކީ ގައުމު އެކުވެރިކުރުމުގެ މަސައްކަތް ކުރަންޖެހޭ ވަގުތު. މިހާލުން އެހެން ހާލަތަކަށް ގައުމު ގެންދިޔުމަށް ރައްޔިތުންގެ އެއްބާރުލުން ބޭނުން
އިބޫ: އިންތިޚާބު ކާމިޔާބު ކުރެވުނީ ރައްޔިތުން ކުރެއްވި ބުރަ މަސައްކަތުން. އޭގެ ތެރޭގައި ގުޅިފައިވާ ޕާޓީތަކުގެ 4 ލީޑަރުން ހިމެނޭ.
00:02
އިބޫ ރައްޔިތުންނާ މުޚާތަބު ކުރައްވަނީ. އިންތިޚާބު މިވަނީ ތަނަވަސް އަޣުލަބިއްޔަތަކުން ކާމިޔާބު ކުރެވިފައި.
22:50
ގދ. ތިނަދޫ ވޯޓުފޮއްޓެއްގައި މައްސަލަ ދިމާވެ ވޯޓުގުނުން މެދުކަނޑާލައިފި. ވޯޓު ފޮށީކައިރީގައިތިބި ބައެއް މީހުން ފުލުހުންވަނީ ދުރަށްލާފައި.
22:30
މިހާތަނަށް ގުނާފައިވާ ވޯޓުގެ ނަތީޖާއަށް ބަލާއިރު ކުރީގައި އުޅެނީ އެމްޑީޕީގެ ރިޔާސީ ކެންޑިޑޭޓް އިބްރާހީމް މުހައްމަދު ސާލިހު. އިބޫއަށް 42.3 އިންސައްތަ ވޯޓު. އަބްދުﷲ ޔާމީނަށް 57.7 އިންސައްތަ ވޯޓު. މިހާތަނަށް 300 އަށްވުރެ ގިނަ ފޮށިވަނީ ގުނިފައި.
7:39
ވޯޓު ގުނުމުގެ މަސައްކަތް ފަށައިފި. ވޯޓު ގުނާއިރު ތިންބަޔަށް ބަހާނެ. އެއީ ދެ ކެންޑިޑޭޓުންނަށް ދެ ބައި އަދި ބާތިލް ވޯޓު
7:35
ވޯޓުފޮށިތައް ކަނޑަން ފަށައިފި
7:17
ވޯޓު ފޮށިތައް ބަންދުކޮށް ނިމި ގުނަން ފަށާނީ 7:30 ގައި.
7:12
އެކި ރަށްރަށުގައިހުރި ވޯޓު ފޮށިތައް ބަންދު ކުރަން ފަށައި.
5:20
ފުވައްމުލަކު ސިޓީ އުތުރުދާއިރާގެ އެމްޖޭއެސް ގައި ބަހައްޓާފައިވާ ވޯޓުފޮށީގެ ލިސްޓުގައި ނެތްމީހަކު ވޯޓުލާން އުޅުމުން އެފޮށީގެ ވޯތުލުން ހުއްޓާލުމަށްފަހު އަލުން ފަށައިފި. އެމީހާ ވޯޓުލުމާމެދު އަދި ގޮތެއް ނިންމިކަމެއް އެނގިފައެއް ނެތް.
3:57
މިރޭ 7:00 އަށް ވޯޓުލުން ކުރިއަށް ގެންދަން އިލެކްޝަނުން ނިންމައިފި. އެގޮތަށް ނިންމެވީ ވޯޓުލާން ނުކުމެތިބި މީހުންގެ އަދަދު އިތުރުވުމުން ކަމަށް މައުލޫމާތު ލިބޭ. ކުރިންއޮތީ މިއަދު ހެނދުނު 8:00 އިން ހަވީރު 4:00 އަށް ކުރިއަށް ގެންދާ ގޮތަށް.
3:54
ވޯޓުކަރުދާހުގައި ފާހަގަ ކެހުމަށްފަހު ދެއްކުމާއި، ފޮޓޯ ނެގުމުގެ މައްސަލަތައްވަނީ ފާހަގަވެފައި. އެކަމަކު ވަރަށް މަދު. އެކަންކަން ހައްލުކުރުމަށް ވެސް ގެންދަނީ މަސައްކަތް ކުރަމުން. މިހާތަނަށް ލައްކައަކަށްވުރެ ގިނަމީހުން ވޯޓުލައިފި.
1:51
ރާއްޖޭގައި މިހާރު ހިނގަމުންދާ އިންތިޚާބާ ބައިނަލް އަގުވާމީ ބައެއް މީޑިއާތަކުން ވެސް ކަވަރު ކުރަމުންދޭ. އޭގެ ތެރޭގައި ބީބީސީއާއި އަލްޖަޒީރާ ހިމެނޭ.
1:43
ހިޔުމަންރައިޓްސް ކޮމިޝަން: ވޯޓުލުން މިހާތަނަށް ކުރިއަށް ގެންގޮސްފައިވަނީ ގާނޫނާއި ގަވާއިދާ އެއްގޮތަށް. ކަމެއް ފަހަގަ ވާނަމަ ކަމާބެހޭ ފަރާތްތަކާ ހިއްސާކުރާނަން.
1:39
ވޯޓުފޮށިތަކަށް ރަޖިސްޓްރީ ކޮށްފައިވާ މީހުންގެ ތެރެއިން ގިނަފޮށިތަކަށް 50 އިންސައްތަ މީހުން ވޯޓުލައިފި ކަމަށް މައުލޫމާތުވަނީ ލިބިފައި.
1:35
ފަރެސްމާތޮޑާގައި ބަހައްޓާފައިވާ ދެ ފޮށްޓަށް ވޯޓުލާން ގޮސް ތިބި މީހުންގެ އަދަދު މިވަގު މަދު. ހަވީރުކޮޅު ގިނަވާނެ ކަމަށް ބެލެވޭ. އެރަށުގައި ވެސް އެއްވެސް މައްސަލައެއްނެތި ވޯޓުލުން ކުރިއަށް އެބަދޭ.
1:32
ފުވައްމުލަކު ސިޓީގައި ވެސް އަމާން ކަމާއެކު ވޯޓުލުން ކުރިއަށް އެބަދޭ. މިހާތަނަށް ގާތްގަނޑަކަށް 50 ޕަސެންޓް މީހުން ވޯޓުލައިފި. ހެނދހުނުކޮޅު އާންމުކޮށް ވޯޓުލާން ނުކުތީ ދޮށީ އުމުރުގެ މީހުން. މިހާރު ޒުވާނުން ނުކުންނަން ފަށައިފި.
11:16
ފުލުހުން: ހުރިހާ ހިސާބެއްގައި ވެސް ވޯޓުލުން ކުރިއަށްދަނީ ވަރަށް އަމާންކަމާއެކު.
11:12
ވޯޓުލާ ހުރިހާ މަރުކަޒުތަކުގެ ސަލާމަތީ ކަންކަން ބެލެހެއްޓެވުމަށް ފުލުހުން ގެންދަވަނީ ހަރަކާތްތެރި ވަމުން.
10:25
ވޯޓު ލުމަށްޓަކައި ވަރަށްގިނަ މީހުން މިހާރުވަނީ ކިޔޫގައި ޖެހިފައި
10:24
އިލެކްޝަންސް ކޮމިޝަން: ރާއްޖޭގެ ހުރިހާ ކަންކޮޅެއްގައި ވެސް ވޯޓުލުން ދަނީ އަމާން ކަމާއެކު. އެކަމަކު ކުދިކުދި މައްސަލަތައް ދިމާވި. މިސާލަކަށް އޮބްޒާވަރުންނަށް ނުވަދެވުން ކަހަލަ. ބައެއް ފަރާތްތަކަށް ލައިވް ނުކުރެވުން ކަހަލަ. އެކަމަކު މިހާތަނަށް ދިމާވި އެފަދަ ކުދިކުދި ކަންކަންވަނީ ހައްލު ކުރެވިފައި. އަޅުގަނޑުމެންނަށް އެއްވެސް ކަހަލަ ސީރިއަސް ޝަކުވާއެއް މިހާތަނަށް ނާދޭ.
ކުރިއަށްއޮތް ފަސް އަހަރުގެ ދައުރަށް ރާއްޖޭގެ ވެރިކަމުގައި ހުންނަވާނެ ބޭފުޅަކު އިންތިޚާބު ކުރައްވާ ބާއްވާ ވޯޓުލުން މިއަދު ހެނދުނު 8:00 އިން ފެށިގެން ރާއްޖޭގެ ހުރިހާ ކަންކޮޅެއްގައި ކުރިއަށް އެބަދައެވެ. މިއަދު ކުރިޔަށް ގެންދާ ރާއްޖޭގެ ރިޔާސީ އިންތިޚާބުގެ ވޯޓުލުން މިއަދު ފަށައިފިއެވެ.
މި އިންތިޚާބުގައި ރާއްޖޭގެ އެކި ސަރަހައްދުތަކުގައި ޖުމްލަ 472 ވޯޓުފޮށި ބަހައްޓައިފައިވެއެވެ. ވޯޓުލުމުގެ ހައްގު ލިބިފައިވާ ޖުމްލަ މީހުންގެ އަދަދަކީ 262،135 މީހުންނެވެ. މިހާތަނަށް އިދިކޮޅު ރިޔާސީ ކެންޑިޑޭޓް އިބްރާހީމް މުހައްމަދު ސާލިހާއި އެމަނިކުފާނުގެ ރަނިންމޭޓް ފައިސަލް ނަސީމް ވަނީ ވޯޓު ލައްވައިފައެވެ. އަދި ޕީޕީޕއެމްގެ ރިޔާސީ ކެންޑިޑޭޓް ރައީސް ޔާމީނާއި އެމަނިކުފާނުގެ ގެ ރަނިންމޭޓް ޑރ. މުހައްމަދު ޝަހީމް އަލީ ސައީދު ވެސް ވަނީ ވޯޓު ލައްވައިފައެވެ. ރައީސް ޔާމީން ވޯޓު ލެއްވީ ސީއެޗުއެސްއީގައި ހުރި ވޯޓުފޮށްޓަށެވެ. ޑރ. ޝަހީމް ވޯޓުލެއްވީ ޣިޔާސުއްދީންސްލުޚުގައި ބަހައްޓާފައިވާ ފޮށްޓަށެވެ.
