ވިލިމާލޭ އުތުރު ސަރަހައްދު ބަނދަރާ ދިމާލުގައި މިރޭ ހަވާ އަރުވަން ނިންމާފައިވާކަަމަށް އެމްއެންޑީއެފް އިން ބުނެފިއެވެ.
އެމްއެންޑީއެފް އިން ބުނީ ޖުލައި 15 ވާ ހުކުރު ދުވަހުގެ ރޭ (މިރޭ) 21:30 ގައި، ވިލިމާލެ އުތުރު ސަރަޙައްދު ބަނދަރާ ދިމާ ބޭރުން ހަވާއެރުވުން ބޭއްވުމަށް ހަމަޖެހިފައިވާ ކަމަަށެވެ.
އެހެންނަމަވެސް ހަވާއަރުވަނީ ކޮންކަމާއި ގުޅިގެން ކަމެއް ހާމައެއްނުކުރައްވައެވެ.
ޖުލައި 15 ވާ ހުކުރު ދުވަހުގެ ރޭ (މިރޭ) 21:30 ގައި، ވިލިމާލެ އުތުރު ސަރަޙައްދު ބަނދަރާ ދިމާ ބޭރުން ހަވާއެރުވުން ބޭއްވުމަށް ހަމަޖެހިފައިވާކަން މަޢުލޫމާތަށްޓަކައި ދަންނަވަން.
— Maldives National Defence Force (@MNDF_Official) July 15, 2022
ތަފާތު އެކި މުނާސަބާތާކައި ގުޅިގެން މާލެއާއި މާލޭން ބޭރުގައި ވެސް ހަވާއެރުވުމުގެ ހަރަކާތްތައް ކުރިއަށް އެމްއެންޑީއެފް އިން ކުރިއަށްގެންދެއެވެ. މިކަން ކުރަނީ އެމްއެންޑީއެފްގެ ބެލުމުގެ ދަށުންނެވެ.
އެމްއެންޑީއެފުންވަނީ ނިމިދިޔަ އަޟުހާ އީދުގައި ވެސް ރާއްޖޭގެ 18 ރަށެއްގައި ހަވާ އަރުވާފައެވެ.
