މާލޭގެ ބައެއް ސަރަހައްދުތަކުން މިއަދު ކަރަންޓު ކެނޑޭނެ ކަމަށް ސްޓެލްކޯ އިން ބުނެފިއެވެ.
އެ ކުންފުނިން ކޮށްފައިވާ ޓްވީޓެއްގައި ބުނީ ޓްރާންސްފޯމާ އަޕްގްރޭޑިންގެ މަސައްކަތަކަށް މިއަދު މެންދުރުފަހު 1:00 އިން 3:45 އާ ދޭތެރޭ މާލޭގެ ބައެއް ހިސާބުތަކުން 45 މިނެޓަށް ކަރަންޓު ކެނޑޭނެ ކަމަށެވެ.
ކަރަންޓު ކެނޑޭނެ ކަމަށް ބުނެފައިވަނީ މާފަންނުގެ އިއްޒުއްދީން މަގާއި، މަޖީދީމަގު، މުނިޔަމަގު، ހަނދުވަރީ ހިނގުން، ޝަހީދު އަލީ ހިންގުމާއި، ފުލޫނިޔާ މަގުގެ އިތުރުން ހަވީރީ ހިނގުމުން ކަމަށް ސްޓެލްކޯއިން ބުނެއެވެ.
އާންމުންނަށް ދިމާވާނެ ދަތިތަކަށް ސްޓެލްކޯ އިން ވަނީ މައާފަށް އެދިފައެވެ.
ޓްރާންސްފޯމަރ އަޕްގްރޭޑިންގެ މަސައްކަތަކަށް މިއަދު މެންދުރު ފަހު 13:00 އިން 15:45 އާ ދެމެދު މާފަންނުގެ އިއްޒުއްދީން މަގާއި، މަޖީދީމަގު، މުނިޔަމަގު، ހަނދުވަރީ ހިނގުން، ޝަހީދު އަލީ ހިންގުމާއި، ފުލޫނިޔާ މަގުގެ އިތުރުން ހަވީރީ ހިނގުމުން 45 މިނެޓެއްހާއިރަށް ކަރަންޓުގެ pic.twitter.com/mIpC90o8FE
— STELCO (@STELCOMALDIVES) June 26, 2022
މިމަހު 24 ވަނަ ދުވަހު ވެސް ސްޓެލްކޯއިން ވަނީ ހެނދުނު 6:30 އާއި 7:30 އާ ދޭތެރޭ މަސައްކަތްތައް ކުރުމަށް، މާލޭގެ ބައެއް ހިސާބުތަކުން 10 މިނެޓަށް ކަރަންޓު ކަނޑާލާފައެވެ.
