ހުޅުމާލެ ކައިރީގައި އޮތް ބޯޓަކުން 100 ކިލޯ ގެ މަސްތުވަތަކެތި އަތުލައިގެންފިއެވެ.
ކޮމިޝަނަރ އޮފް ޕޮލިސް މުޙައްމަދު ޙަމީދު މިއަދު ކުރެއްވި ޓުވީޓެއްގައި ވިދާޅުވިގޮތުގައި މި ބޯޓުން އަތުލައިގެންފައިވަނީ ހެރޮއިންއާއި މެތަމްފިޓަމައިން އެވެ. މި އޮޕަރޭޝާން ހިންގާފައިވަނީ ޑްރަގް އިންޓެލިޖެންސާއި މެރިން ޕޮލިސްގެ އެހީތެރިކަމާއެކު ޑްރަގް އެންފޯސްމަންޓް ޑިޕާޓްމަންޓު، ޑި.އީ.ޑީ އިންކަމަށްވެސް ކޮމިޝނަރ ވިދާޅުވިއެވެ.
މަސްތުވާތަކެތީގެ ޓްރެފިކް ކުރުމުގެ ސަބަބުން އިޖްތިމާއީ ގޮތުންނާއި އިގްތިސާދީ ގޮތުންކުރާ ނޭދެވޭ އަސަރު ބޮޑުކަން ވެސް ކޮމިޝަނަރގެ ޓުވީޓުގައި ފާހަގަކުރައްވާފައިވެއެވެ. އަދި ޑްރަގް ޓްރެފިކްކުރުން ހުއްޓުވުމަށް ކުރައްވަމުން ގެންދަވާ މަސައްކަތް ކުރިއަށް ގެންދަވާނެ ކަމަށްވެސް ކޮމިޝަނަރ ޙަމީދް ވިދާޅުވިއެވެ.
DED, supported by Drug Intelligence & Marine Police have seized over 100 kgs of heroin & methamphetamine from a boat nearby HulhuMale’ this morning. The social and economic impact from narcotic drug trafficking is high. We will continue efforts to disrupt the drug trade. pic.twitter.com/1A6iSNwEfh
— Mohamed Hameed (@M_Hameedh) October 12, 2020
މީގެ ހަފްތާހެއް ހައި ދުވަސްކުރިން އައްޑު އަތޮޅު ހިތަދޫ އިން ވެސް ގިނަ އަދަދެއްގެ މަސްތުވާ ތަކެތި އަތުލައިގެންފައިވެއެވެ.
