ތ. ތިމަރަފުށީގައި ޚާއްސަ އެހީއަށް ބޭނުންވާ މީހެއްގެ މޯބައިލް ފޯނު ފޭރިގަނެ، ވިއްކަން އުޅެނިކޮށް ފުލުހުން އެ ފޯނު އަތުލައިގެންފިއެވެ.
ފޯނު ފޭރިގެންފައިވަނީ ޚާއްސަ އެހީއަށް ބޭނުންވާ މީހާ މަގުމައްޗަށް ވެއްޓިަފއި އޮއްވައި އޭނާގެ ޖީބުންނެވެ. މި ހާދިސާ ހިނގާފައިވަނީ މި މަހުގެ 29 ވަނަ ދުވަހުއެވެ.
ފުލުހުންނަށް މައްސަލަ ހުށަހެޅުމާއެކު ފުލުުހުން ކުރި މަސައްކަތުން ފޯނު އަތުލައިގެންފައިވަނީ ފޯނު ވިއްކަން އުޅެނިކޮށެވެ. މި މައްސަލައާއި ގުޅިގެން އުމުރުން 30 އަހަރު އަދި 20 އަހަރުގެ ދެ ފިރިހެނުން މިހާރުވަނީ ހައްޔަރުކޮށްފައެވެ. ފުލުުހުން ގެންދަނީ މި މަައްސަލަ ތަހުގީގުކުރަމުންނެވެ. އަދި ފޯނު މިހާރު ވަނީ އޭގެ ވެރިފަރާތާ ހަވާލުކޮށްފައެވެ.
