މިއަހަރުގެ ފެބްރުއަރީ މަހުެގ 16 ވަނަ ދުވަހުން 20ވަނަ ދުވަހަށް ދުބާއީގައި ބޭއްވި 'ގަލްފް ފުޑް އެކްސްޕޯ' ގައި ބައިވެރިވި ފަރާތްތަކުން އެ މައުލޫމާތު ހިއްސާކުރުމަށް އެޗްޕިއޭއިން އެދެފިއެވެ.
ޑރ. އަފްޒަލް ވިދާޅުވިގޮތުގައި ދުބާއީގައި ބަލި ފެތުރެމުން ދިޔަ ގޮތް ތަފާތު ކަމަށެވެ. އެކްސްޕޯއަށް ދިޔަ މީހުންގެ މައުލޫމާތު އަންގަން އެދުނީ އެމީހންގެ ފަރާތުން އެޗްޕީއޭއަށް ބޭނުންވާ މައުލޫމާތު ސާފުކުރެއްވުމަށް ކަމަށް ވިދާޅުވިއެވެ. އެގޮތުން ބަލީގެ އަލާމާތެއް ކުރިން ފެނުނުތޯ، ނުވަތަ ރޯގާގެ އަލާމާތެއް ފެނުން ފަދަ ކަމެއް ވީތޯ އޮޅުންފިލުވުމަށް ކަމަށް ވިދާޅުވިއެވެ. ނަމަވެސް އެއިން އެއްވެސް މީހަކު ކަރަންޓީނުކޮށް ނުވަތަ އައިސޮލޭޝަނަށް ނުގެންދެވޭނެ ކަމަށް ވިދާޅުވިއެވެ.
