ކޮވިޑް-19 އަށް ފުރަތަމަ ޕޮޒިޓިވި 4 ދިވެހީންގެ ތެރެއިން އެކަކު ބަލިން ރަނގަޅުވެއްޖެއެވެ.
ދަރުބާރުގޭގައި މިހާރު ކުރިއަށްދާ ޕްރެސްކޮންފަރެންސްގައި ވާހަކަ ދައްކަވަމުން އައިޖީއެމްއެޗުގެ ޑޮކްޓަރެއް ކަމަށްވާ ޑރ. މޫސާ މުރާދު ވިދާޅުވީ އެންމެ ފުރަތަމަ ކޮވިޑް-19 އަށް ޕޮޒިޓިވްވި 4 މީހުންގެ ތެރޭގައި ހިމެނޭ އެކަކު ޓެސްޓް ހަދައި ޑަބަލް ނެގެޓިވްވެފައިވާކަން ކަށަވަރުވެފައިވާ ކަމަށެވެ.
ރާއްޖެއިން ކޮވިޑް-19 އަށް ޕޮޒިޓިވްވި ފުރަޔަމަ 4 މީހުންނަކީ ވެސް އިންގިރޭސިވިލާޓުން ރާއްޖެއަށް އައި 4 މީހުންނެވެ. އޭގެ ތެރެއިން ރަނގަޅުވެފައިވަނީ އެންމެ ފުރަތަމަ ޕޮޒިޓިވްވި މީހާއެވެ. އޭނާ ރާއްޖެއަށް އައިސްއިފައިވަނީ މާރިޗު 22 ވަނަ ދުވަހުއެވެ. އެއީ ޢުމްރުންޒ 38 އަހަރުގެ މީހެކެވެ.
މި 4 މީހުންގެ އިތުރުން އިތުރު ދިވެއްސަކު މިއަދު ވަނީ ކޮވިޑް- 19 އަށް ޕޮޒިޓިވް ވެފައެވެ. އެމީހާއަކީ ފިލިޕީންސުން ރައްޖެއަށް އައިސްފައިވާ މީހެކެވެ.
މިހާތަނަށް ރާއްޖެއިން ވަނީ 20 މީހަކު ކޮވިޑް-19 އަށް ޕޮޒިޓިވް ވެފައެވެ. އޭގެ ތެރެއިން 14 މީހުންނަށް ވަނީ ރަނގަޅުވެފައެވެ.
