މިއަދުން ފެށިގެން ކުޑަކުދިންގެ ލައިބްރަރީގެ ޚިދުމަތް މެދުކަނޑާލައިފި ކަމަށް މިނިސްޓްރީ އޮފް އާޓްސް، ކަލްޗަރ އެންޑް ހެރިޓޭޖުން ވިދާޅުވެއްޖެއެވެ.
އެމިނިސްޓްރީން ކުރައްވާފައިވާ ޓުވީޓެއްގައި ވިދާޅުވެފައިވަނީ ލައިބްރަރީގެ ޚިދުމަތް ވަގުތީގޮތުން މެދުކަނޑާލީ ކޯވިޑް-19 ވައިރަސް، އިން ކުޑަކުދިން ރައްކާތެރި ކުރުމަށް އަޅާ ފިޔަވަޅެއްގެ ގޮތުގައި ކަމަށެވެ.
" 12 މާރޗް 2020 ވާ ބުރާސްފަތި ދުވަހުން ފެށިގެން ކުޑަކުދިން ލައިބްރަރީ ވަގުތީގޮތުން ބަންދުކުރުމަށް ވަނީ ނިންމާފައެވެ. ކަސްޓަމަރުންނަށް ދިމާވެދާނެ ދަތިތަކަށްޓަކައި ނިހާޔަތަށް މަޢާފަށް އެދެމެވެ." މިނިސްޓްރީގެ ޓުވީޓުގައި ވިދާޅުވެފައިވެއެވެ.
ރާއްޖެއިން މިހާތަނަށް ވަނީ 82 ސާމްޕަލް ނަގައި ކޮވިޑް 19 އަށް ޓެސްޓް ކޮށްފައެވެ. އޭގެ ތެރެއިން 8 ސާމްޕަލެއް ވަނީ ޕޮޒިޓިވް ވެފައެވެ. އަދި މިހާތަނަށް 204 މީހަކު ވަނީ 4 ރިސޯޓެއްގައި އައިސޮލޭޓް ކޮށްފައެވެ.
