ފުވައްމުލަކު ސިޓީ މަސްޖިދުލް އިނާރާ، އޭސީ ކުރުމުގެ މަސައްކަތް މިއަދު ބަޔަކާ ޙަވާލު ކުރައްވައިފިއެވެ. އިސްލާމިކް އެފެއާޒު މިނިސްޓްރީގެ ފަރާތުން އެމަސައްކަތް ޙަވާލުކުރައްވާފައިވަނީ އަވި ޓެކްނޮލޮޖީސް ޕްރައިވެޓް ލިމިޓެޑާއެވެ.
މި އެއްބަސް ވުމުގައި އިސްލާމިކް މިނިސްޓްރީގެ ފަރާތުން ސޮއިކުރެއްވީ މިނިސްޓަރ ޑރ.އަހުމަދު ޒާހިރު ޢަލީ އެވެ. އަވި ޓެކްނޮލޮޖީސް ގެ ފަރާތުން ސޮއިކުރެއްވީ އެކުންފުނީގެ އެކައުންޓެންޓް އާސިފް މުޙައްމަދެވެ. މަސްޖިދުލް އިނާރާ އޭސީ ކުރުމުގެ އެއްބަސް ވުމުގައި ސޮއިކުރެއްވީ މިއަދުއެވެ.ފު ވައްމުލަކު މަސްޖިދުލް އިނާރާ އޭސީ ކުރުމަށް އަވި ޓެކްނޮލޮޖީސް އިން ހުށަހަޅާފައިވާ އަގަކީ ނުވަ ލައްކަ ވިހި ހާސް ފައްސަތޭކަ ރުފިޔާ އެވެ.
މީގެ ކުރިން އިސްލާމިކް މިނިސްޓްރީން ވަނީ އިޢާދަ ކުރަނިވި ހަކަތަ ބޭނުންކޮށްގެން ނ.ކެނދިކުޅުދޫ މަސްޖިދުލް އީމާން ވެސް އޭސޫ ކުރަން އަވި ޓެކްނޮލޮޖީސް އާ ޙަވާލުކޮށްފައެވެ. އެމަސައްކަތް ހަވާލުކުރި އެއްބަސްވުމުގައި ސޮއިކުރެއްވީ އިއްޔެ އެވެ. އެމަސައްކަތުގެ އަގަކީ އަށްލައްކަ ހަތާވިސްހާސް ފައްސަތޭކަ ރުފިޔާ އެވެ. މި ދެމިސްކިތް ވެސް ނިންމަން އެބަސްވެފައިވަނީ 20 ދުވަހުންނެވެ.
ރާއްޖޭގެ ރަށްރަށުގެ މިސްކިތްތައް އިޔާދަކުރަނިވި ހަކަތަ ބޭނުންކޮށްގެން އޭސީ ކުރުމަކީ ރައީސް އިބްރާހިމް މުޙައްމަދު ސާލިހުގެ ވައުދެކެވެ. މި މަޝްރޫއު ދެ އަހަރާއި ބައި ތެރޭގައި ނިންމާލެވޭނެ ކަމަށް އިސްލާމިލް މިނިސްޓަރ ވިދާޅުވިއެވެ.
