2017 ވަނަ އަހަރު މުޅި ދުނިޔޭގައި ހިންގި އެންމެ ބޮޑު ކައުންޓަ ޓެރަރިޒަމްގެ އިންޓެލިޖެންސް އޮޕަރޭޝަން އަދި ތަޙްޤީޤް ހިންގީ ރާއްޖޭގައި ކަމަށް ޕޮލިސް ކޮމިޝަނަރ މުޙައްމަދު ޙަމީދު ވިދާޅުވެއްޖެއެވެ.
ކޮރޮސް ރޯރޑްގައި ކުރިއަށްދާ ކޮންފަރެންސްގައި ހަރުކަށި ފިކުރާ ބެހޭގޮތުން ކައުންސިލަރުންނަށް މަޢުލޫމާތު ދެއްވުމުގެ ސެޝަންގައި ވާހަކަ ދައްކަވަމުން ސީޕީ ޙަމީދު ވިދާޅުވީ ދިވެހި ފުލުހުން އިސްވެ މިޙަރަކާތް ކުރިއަށް ގެންދެވީ ނެޝަލް ކައުންޓަރ ޓެރެރިޒަމް ސެންޓަރާއި ދުނިޔޭގެ އެންމެ ބޮޑު ފަސް ޤައުމާވެސް ގުޅިގެންކަމަށެވެ.
2017 ވަނަ އަހަރު މުޅި ދުނިޔޭގައި ހިންގި އެންމެ ބޮޑު ކައުންޓަ ޓެރަރިޒަމްގެ އިންޓެލިޖެންސް އޮޕަރޭޝަނަކީ އިސްލާމިކް ސްޓޭޓް (އައިއެސް) ގެ ލީޑަރޝިޕުން އިންސްޓަރްކްޝަން ދީގެން ވައިގެ މަގުން ރާއްޖޭގައި ބޮމެއް ގޮއްވާލަން ރޭވި ރޭވުމެއް ނާކާމިޔާބު ކޮށްލުމަށް ހިންގި އޮޕަރޭޝަނެއްކަމަށް ކޮމިޝަނަރ އޮފް ޕޮލިސް ވިދާޅުވިއެވެ.
މިޓެރެރިސްޓް ހަރާކާތް ހިންގުމަށް މަސައްކަތްކޮށްފައި ވަނީ ސިރިޔާގައި ހުރި ދިވެއްސަކާ ގުޅިގެން އިސްލާމިކް ސްޓޭޓްގެ ލީޑަރޝިޕުން އިންސްޓަރަކްޝަން ދީގެން ދިވެހިންތަކެއް މާލޭގައި ތިބެގެން ބޮމެއް ތައްޔާރުކޮށްގެންނެވެ.
ސީޕީ ހަމީދު ވިދާޅުވީ ދެކުނި އޭޝިޔާގެ ޤައުމުތްކުގެ ތެރެއިން ބައިނަލް ފެންވަރުގައި ޓެރެރިޒަމްއާ ދެކޮޅަށް އެންމެ ބޮޑަށް މަސައްކަތްކުރާ ޤައުމަކީ ދިވެހި ރާއްޖެކަމަށެވެ.
ޕޮލިސް ކޮމިޝަނަރ މުޙައްމަދު ޙަމީދު ވިދާޅުވީ ސިރީއާއި އިރާޤްގެ ހަނގުރާމައަށް ގޮސް ތިބި 173 މީހުންނަކީ ހަނގުރާމަތަކަށް ދާން އުޅުނު 423 މީހުންގެ ތެރެއިން ހަނގުރާމައަށް ދެވުނު މީހުންގެ ޢަދަދު ކަމަށެވެ. ޖެހިގެން ހުރި މީހާގެ ފުރާނަ ދުއްވާލުމަށް ފަސް ނުޖެހޭ ވަރަށް އެ ފިކުރުގެ ތެރެއަށް ވެށްޓިފައި ތިބި 14 ސަތޭކަ އާ ގާތްކުރާ ޢަދަދަކަށް ދިވެހިން ރާއްޖޭގައި އުޅެމުންދާކަމަށް ޕޮލިސް ކޮމިޝަނަރ ވިދާޅުވިއެވެ.
