ބ. މާޅޮހު މެޖިސްޓްރޭޓު ކޯޓު ފަޅާލައި، އެ ކޯޓުގެ ތިޖޫރިއާއި ލެޕްޓޮޕެއް ވަގަށް ނަގައިފިއެވެ.
ފުލުހުން ވިދާޅުވީ، އެކޯޓު ފަޅާލައި ތިޖޫރިއާއި ލެޕްޓޮޕް ވަގަށް ނަގާފައވާ ކަމުގެ މަޢުލޫމާތު ލިބިވަޑައިގެންނެވީ މިއަދު ހެނދުނު 11:20 އެހައިކަންހާއިރު ކަމަށެވެ. ފުލުހުން ވިދާޅުވީ، ވަގަށް ނަގާފައިވާ ތިޖޫރީގައި 600 ރުފިޔާހުރި ކަމަށް ވެސް މަޢުލޫމާތު ލިބިފައިވާ ކަށެވެ.
ފުލުހުން މިހާރު ގެންދަވަނީ އެމައްސަލަ އިތުރަށް ބައްލަވަމުން ކަމަށެވެ. މިކަމާ ގުޅިގެން އަދި އެއްވެސް މީހަކު ބަންދު ކޮށްފައި ނުވާކަމަށް ވެސް ފުލުހުން ވިދާޅުވިއެވެ.
