ބާޖަކާއި ބޯޓެއް އޮޔާދާތީ އެކަމަށް ސަލާމުވުމަށް އެމްއެންޑީއެފުން ދަތުރުވެރިންނަށް އިލްތިމާސް ކުރައްވައިފިއެވެ.
އެމްއެންޑީއެފުން ވިދާޅުވީ އޮޔާދަނީ ކ.ތިލަފުށި ކައިރީގައި އޮތް ބޯޓަކާއި ބާޖެއް ކަމަށެވެ. އެހެން ކަމުން އެސަރަހައްދުން ދަތުރުކުރައްވާ ފަރާތްތަކުން ސަމާލުވުމަށް އިލްތިމާސްކުރައްވާ ކަމަށް ވިދާޅުވެފައުވެއެވެ.
އޮޔާދަނީ "ބަރޯސާ" ނަމަކައްކިޔާ ބޯޓަކާއި އެއާއި އެކުގައި އޮތް ބާޖެވެ. އެ އޮޔާދަނީ ނަގިލި ކަނޑައިގެން ދިއުމުގެ ސަބަބުންނެވެ. އޭގެ ނަގިލި ކަނޑައިގެންގޮސް އޮޔާދާކަމުގެ މަޢުލޫމާތު އެމްއެންޑީއެފް ކޯސްޓްގާޑް މެރިޓައިމް ރެސްކިއު ކޯޑިނޭޝަން ސެންޓަރ (އެމްއާރުސީސީ) އަށް ލިބިފައިވަނީ މިއަދު ހަވީރު 1620 އެހައިކަންހާއިރު ކަމަށް އެމްއެންޑީއެފުން ވިދާޅުވިއެވެ.
މި ހާދިސާގެ މަޢުލޫމާތު އެމްއާރުސީސީއަށް ލިބުމާއެކު އެމްއެންޑީއެފް މާލޭ އޭރިއާ ކޯސްޓްގާޑް ސްކޮޑްރަންގެ އުޅަނދެއް ވަނީ އެސަރަހައްދަށް ގޮސް ހަރަކާތްތެރިވާން ފަށާފައެވެ.
މީހަކު ނެތި އޮޔާދާ މި ދެ އުޅަނދު އޮޔާދަނީ ކ.ތިލަފުއްޓާއި ފޭދޫފިނޮޅާ ދޭތެރެއިންނެވެ. "އެހެންކަމުން މި ސަރަހައްދުން ކަނޑުދަތުރުކުރާ ފަރާތްތަކުން މިކަމަށް ސަމާލުވުމަށް އިލްތިމާސްކުރަމެވެ."
