މާލެސިޓީގައި މިއަދު ހެނދުނު ހިނގި އެކްސިޑެންޓެއްގައި މީހެއްގެ ތުންފަތް ފަޅައިގެން ހިނގައްޖެއެވެ. އަނިޔާވެފައިވަނީ އެކްސިޑެންޓު ހިނގިވަގުތު ޓެކްސީގެ ފަހަތުގައި އިން މީހާއަށެވެ. އެކްސިޑެންޓުވީ ޓެކްސީއެއް ކޮންޓްރޯލްނުވެ ގޮސް ގަހެއްގައި ޖެހުނުވަގުތު ފަހަތުން އައިސް ސައިކަލެއް ޓެކްސީގެ ފަހަތުގައި ޖެހިގެން ކަމަށް ފުލުހުން ވިދާޅުވިއެވެ.
ހެނދުނު 8:59 އެހައިކަންހާއިރު ހިނގި އެކްސިޑެންޓުގައި އިތުރު މީހަކަށް އަނިޔާއެއް ނުވެއެވެ. ތުންފަތް ފަޅައިގެންދިޔަ މީހާއަށްވަނީ އޭޑީކޭ ހޮސްޕިޓަލުގައި ފަރުވާދީފައެވެ. އެކްސިޑެންޓުވި ޓެކްސީއާއި ސައިކަލު ދުއްވި ދެމީހުންގެ އަތުގައި ވެސް ލައިސަންސް އޮންނަ ކަމަށް ފުލުހުން ވިދާޅުވިއެވެ.
ފުލުހުން ގެންދަނީ މިމައްސަލަ ތަޙުޤީޤު ކުރަމުންނެވެ.
