ޤާނޫނީ ވަކީލުންގެ ތެރެއިން ޖޫޑީޝަލް ސާވިސް ކޮމިޝަނަށް ވަކީލަކު އިންތިޚާބުކުރުމަށް މިއަދު ބޭއްވި އިންތިޚާބު ޢަބްދުލް މާނިޢު ޙުސައިން ކާމިޔާބު ކުރައްވައުފައެވެ.
ޤާނޫނީ ވަކީލު މާނިޢު މި އިންތިޚާބު ކާމިޔާބު ކުރެއްވީ 199 ވޯޓު ހޯއްދަވައިގެންނެވެ. އޭނާއާ އެންމެ ގާތުން ވާދަކުރެއްވި ޢަލީ ރަޝީދަށް ލިބިވަޑައިގެންނެވީ 124 ވޯޓެވެ. ޢަބްދުލް ޢަޒީޒު ޖަމާލް އަބޫބަކުރަށް ލިބިވަޑައިގެންނެވީ 37 ވޯޓެވެ. ޙަނީފާ ޚާލިދަށް ލިބިވަޑައިގެންނެވީ 27 ވޯޓެވެ. އަޙުމަދު ނަޝީދު ޙުސައިނަށް ލިބިވަޑައިގެންނެވީ 10 ވޯޓެވެ.
މި އިންތިހާބުގައި ވޯޓުލާފައިވަނީ ޖުމްލަ 404 ވަކީލުންނެވެ. އޭގެ ތެރެއިން ޞައްޙަ ވޯޓުގެ ޖުމްލައަކީ 397 އެވެ. ބާޠިލް ވޯޓުގެ ޢަދަދަކީ 7 އެވެ. މި އިންތިޚާބުގައި ވޯޓު ލުމުގެ ޙައްޤު ލިބިފައިވާ މީހުންގެ ޢަދަދަކީ 1487 އެވެ. ވޯޓުލީ މީހުންގެ އިންސައްތައަކީ 27.17 އެވެ.
ޤާނޫނީ ވަކީލުންގެ ކަންކަން ބެލެހެއްޓުމަށް އުފައްދާފައިވާ ބާ ކައުންސިލުގެ އެދުމުގެ މަތީން މިއިންތިޚާބު ބާއްވައިދީފައިވަނީ އިލެކްޝަންސް ކޮމިޝަނުންނެވެ.
